web counter
LEXO PA REKLAMA!

SHKARKO APP

App Store
Google Play

Përplasja për logon e partisë/ Topollaj: BD mbajti një qëndrim të moderuar

3 Prill 2021, 15:05, Politikë CNA

Kandidati i Bindjes Demokratike për qarkun e Tiranës, Fabian Topollaj, përshëndet vendimin e KAS për ruajtjen e siglës së koalicionit PD-AN dhe ekspozimin në fletën e votimit të një logoje të ristilizuar nga Bindja Demokratike.

Sipas Topollajt, logo e Bindjes Demokratike nuk kishte asnjë ngjashmëri me të tjerat.
Ai thekson se Bindja Demokratike e ristilizoi logon e saj në ngjyrë, imazh dhe shkronjë që t?i hapte rrugë pretendimit të pabazuar të koalicionit të Partisë Demokratike.

?BD, QËNDRIM TË MODERUAR NË FAVOR TË NJË PROCESI ZGJEDHOR KORREKT DHE PA KONTESTIME

Në fakt, logo e Bindjes Demokratike nuk kishte asnjë ngjashmëri me të tjerat dhe po ashtu ligji zgjedhor thotë se ruhet logo e subjektit më të vjetër. Megjithatë, Bindja Demokratike e ristilizoi logon e saj në ngjyrë, imazh dhe shkronjë që t?i hapte rrugë pretendimit të pabazuar të koalicionit të Partisë Demokratike.

Por me sa duket ky pozicion i moderuar në dobi të një procesi korrekt u muar për dobësi dhe Partia Demokratike kërkoi sot në mënyrë arbitrare zhdukjen fare nga fleta e votimit të logos së Bindjes Demokratike.

Siç provoi arsyetimi i KAS përpara pak minutash, nëse do duhej të ruhej një logo në fletën e votimit, ajo do të ishte e Bindjes për shkak se ajo është subjekt më i vjetër zgjedhor se koalicioni PD-AN.
Dhe pavarësisht kësaj, Bindja Demokratike përshëndet vendimin e KAS për ruajtjen e siglës së koalicionit PD-AN dhe ekspozimin në fletën e votimit të një logoje të ristilizuar nga Bindja Demokratike, me qëllim që askush të mos ketë në të ardhmen pretendime për këtë çështje?, shkruan Topollaj.





Lajmet e fundit nga