web counter
LEXO PA REKLAMA!

SHKARKO APP

App Store
Google Play

E fundit!

x

Ligji i ndryshimeve zgjedhore / Kurti: Dje fitoi opozita, sot duhet të fitoj shteti

3 Prill 2021, 15:27, Kosova & Bota CNA

Kryeministri i Kosovës Albin Kurti ka reaguar pas moskalimit në parlament të ligjit që parashikonte ndryshime të dispozitave të kodit zgjedhor për zgjedhjet e përgjithshme.

Përmes një reagimi në rrjetet sociale, Kurti shprehet se ditën e djeshme fitoi opozita, ndërsa sot duhet të fitojë shteti me zgjedhjen e Vjosa Osmanit në krye të Presidencës kosovare.

“Mbrëmë fitoi opozita, sonte duhet të fitojë shteti. Zgjedhja e Presidentes së Republikës është fitore për Kosovën. Ajo nuk është kundër askujt dhe është për të gjithë. Me zgjedhjen e Presidentes përmbyllet hapi i tretë i konstituimit të institucioneve të legjislaturës së tetë.

Pas fitores me 50,28% të votave në zgjedhjet e 14 shkurtit, ne jemi shumica në Kuvendin e Kosovës. Mbrëmë deputetët tanë ishin shumica, por nuk ishin 2/3 e të pranishmëve. Nuk arritëm të procedojmë me projektligjin që ua mundëson mërgatës të votojë në ambasadat e konsullatat tona.

Ky Projektligj nuk kishte të bënte me reformën zgjedhore. Sidoqoftë, ai sot nuk është aktual. Sot kemi seancën për zgjedhjen Presidente të znj. Vjosa Osmani. Menjëherë pas kësaj formojmë komisionin ku bashkë me opozitën punojmë, pajtohemi dhe sivjet e përmbyllim reformën zgjedhore”, shkruan ai./CNA.al





Lajmet e fundit nga