E fundit!

11:09 Aktualitet

Seanca në GJKKO për dosjen “Sterilizimi”/ SPAK kërkon rrëzimin e 23 kërkesave të ish-ministrit

Ditën e sotme në Gjykatën e Posaçme po zhvillohet seanca e...

Dy persona humbën jetën/ Erion Dasho thirrje autoriteteve të pezullojnë vaksinimin

1 Prill 2021, 11:50, Sociale CNA

Mjeku Erion Dasho ka reaguar nëpërmjet një postimi në rrjetet sociale ku thekson se kanë ndodhur dy humbje të qytetarëve, të cilët janë vaksinuar me vaksinën kineze Sinovac.

Dasho shkruan se njërin prej rasteve e ka hetuar vetë, dhe personi ka humbur jetën vetëm 1 ditë pasi ka bërë vaksinën kineze.

Në postim mjeku i rekomandon Ministrisë së Shëndetësisë, Komitetit të COVID dhe Komitetit të Imunizimit të pezullojnë përkohësisht fushatën e imunizimit me CoronaVac deri sa këto vdekje të investigohen dhe të provohen si të palidhura me vaksinën në fjalë, ndërkohë që është i hapur për diskutim me përfaqësuesit në fjalë lidhur me rasin që ai vetë ka investiguar.

Postimi i plotë i Erion Dasho:

REKOMANDIM DREJTUAR MINISTRISË SË SHËNDETËSISË DHE ÇËSHTJEVE SOCIALE!

Për shkak të të paktën dy vdekjeve të papritura midis personave që kanë kryer vaksinën CoronaVac (një prej të cilave rast i investiguar personalisht që humbi jetën një ditë pas vaksinimit), i rekomandoj Ministrisë së Shëndetësisë, Komitetit të COVID dhe Komitetit të Imunizimit të pezullojnë përkohësisht fushatën e imunizimit me CoronaVac deri sa këto vdekje të investigohen dhe të provohen si të palidhura me vaksinën në fjalë.

Kjo thirrje nuk ka aspak qëllim të ngjallë panik dhe të dëmtojë një proces të dobishëm siç është imunizimi ndaj COVID. Thjesht është në përputhje me praktikat e mira ndërkombëtare të farmakovigjilencës.

Dy humbje jete midis rreth 50 mijë të vaksinuarve është një tregues që kërkon kujdes të jashtëzakonshëm!.

Mbetem i hapur për të komunikuar me përfaqësues të ministrisë dhe komitetit lidhur me rastin që kam investiguar personalisht./CNA.al