web counter
LEXO PA REKLAMA!

SHKARKO APP

App Store
Google Play

Gjergj Luca, një histori shqiptare/ Biznesmeni që ngre qytete në rrënojat e komunizmit

28 Mars 2021, 11:59, Sociale CNA

Gjergj Luca, biznesmeni dhe pronari i kompanisë më të madhe në vend për përpunimin dhe eksport-importin e Peshkut, ?Rozafës?, gjatë një interviste për emisionin ?Histori Shqiptare?, ka bërë xhiro në qytezat e tij të peshkut, ku ka folur më shumë rreth ndërtimit të tyre, qytetarëve që ai ka punësuar dhe çdo shkrim apo vizatim që ka përdorur në mure.

Çdo godinë që ai ka ngritur shpalos parulla të kohës së komunizmit dhe bën humor në periudhën e demokracisë.

Punonjësit e tij biznesmeni Luca i quan spektatorë të tij, pa të cilët nuk mund të rrijë dot.

?Unë kam dëshirë që nesër pasnesër të jem pjesë shpirtërore e gjithë njerëzve që punojnë për mua. Dua të kem mundësi ta bëj ditën e bukur me ta dhe të punoj me ta. Unë kam nevojë për emocion dhe këtë emocion e marr te njerëzit. Punonjësit janë spektatorët e mi?- u shpreh Luca.

Teksa tregon qytezën e tij radha i erdhi kinemasë të quajtur ?Kinostudio dje?, ku Luca e ironizoi duke thënë se këtë emër ia ka vënë sepse sot nuk ka më filma.

Figurat e politikës shqiptare kanë zënë një pjesë të dukshme në një nga godinat e tij, ku këtë pjesë ai e quan ?Sallatë Ruse?. ?I dua fort por kam edhe një lloj dhembshurie për ta?- u shpreh Luca.

Për biznesmenin mamaja e tij ka qënë një mbështetje shumë e madhe. Ajo gjithmonë i është gjendur pranë, por sërish është ajo që i thotë stop Lucës. Pasi për mamanë e tij 3 qytete peshku janë shumë, një është mjaftueshëm./CNA.al





Lajmet e fundit nga