web counter
LEXO PA REKLAMA!

SHKARKO APP

App Store
Google Play

E fundit!

x

Skënder Brataj përplaset me Gazmend Koduzin/ "Komiteti ka marrë masat e duhura"

24 Mars 2021, 21:51, Sociale CNA

Koordinatori Kombëtar për Shëndetësinë në PD, Gazmend Koduzi ka folur për vendimet e Komitetit të Ekspertëve, duke i cilësuar si kontradiktore dhe se përdoren nga qeveria për të ndaluar opozitën.

Ai nxori një foto të tubimit të drejtueses së PS në qarkun e Lezhës Lindita Nikolla në një vend të mbyllur me 25 persona, ndërkohë që akuzoi se makinat e institucioneve lëvizin pas orës 8 të mbrëmjes për të shpërndarë pako me ushqime.

Ndërkohë Brataj tha se në komitet nuk ka asnjë vendim politik dhe se masat e marra kanë sjellë uljen e COVID-19 në vend dhe përmirësimin e situatës.

Pjesë nga debati:

Skënder Brataj: Duhet të ketë ndonjë datë se nuk ma ha mendja të jetë tani.

Koduzi: Është tani e fushatës.

Brataj: Ku e ka datën se e pashë dhe në rrjetet sociale.

Koduzi: Ke që në tetor që ke të njëjtat masa që kufizohet mbi 10 veta, kështu që është brenda fushatës.

Brataj: Mund të jetë dhe e vitit të kaluar ajo, mund të jetë dhe e zgjedhjeve të kaluara.

Koduzi: Po, po ashtu është. Zgjedhjet e kaluara janë bërë në verë.

Brataj: Jepni një datë.

Koduzi: Urdhëro, asnjë me maskë, vetëm Lindita Nikolla me maskë. Nuk janë nga zgjedhjet e kaluara sepse kanë maskën.

Brataj: Me maskë, apo pa maskë.

Koduzi: Pjesëmarrësit janë 25 veta. Urdhëro, në sallë.

Brataj: Ç?lidhje ka kjo me vendimet e komitetit.

Koduzi: Ta them unë, me radhë. Duro!

Komitetit vetëm këto dy masa ka marrë. Ato masa inteligjente që ka marrë bota, komiteti nuk i ka marrë ndonjëherë në studim apo për t?i analizuar aq më tepër kërkesën nga Gjykata Kushtetuese për të riparë vendimin për tubimet politike. Vendimi i marrë thuhet deri në një vendim të dytë, nuk vendosen disa tregues, indikatorë. Këto masa që merren që nga tetori kanë qenë në vazhdimësi dhe po të shikosh incidencën ka qenë e lartë dhe në dhjetor dhe në shkurt, kanë qenë të njëjtat masa. Këtë e ka bërë natyra jo këto masat.

Koduzi: Në atë komitet ka shumë kolegë të nderuar në profesionet e tyre, ashtu siç e respektoj dhe doktor Skënderin si koleg, por si vendimmarrës nuk është komiteti i ekspertëve, është politika, është Rama. Të japin dorëheqjen të nderuarit kolegë, ashtu siç e bëri Tritan Kalo. Vetë komiteti drejtohet nga zëvendës ministrja që është post politik, vetë komiteti ka një anëtare që është pjesë e listës së PS në Tiranë, pra është një komitet politik.

Brataj: Najada Çomo dha dorëheqjen sapo u bë kandidate. Mos i ngatërrojmë gjërat. Në komitet nuk ka asnjë politik. Zëvendës ministrja është në anën administrative, në atë rol.

Koduzi: Është drejtuese. Ju duhet të pranoni, shpëtoni fytyrën profesionale që ju nuk merrni vendime në atë komitet, i merr qeveria, Edi Rama.

Brataj: Nuk është e vërtetë.

Koduzi: Në qoftë se nuk është e vërtetë duhet të mbani përgjegjësi për jetët e humbura të qytetarëve. Në fund të fundit analiza është sa jetë janë shpëtuar, sa kanë humbur. Gjatë 2020, Shqipëria në vend të tretë në botë për jetët e humbura.

Brataj: Sipas jush./CNA.al





Lajmet e fundit nga