web counter
LEXO PA REKLAMA!

SHKARKO APP

App Store
Google Play

E fundit!

x

Do të braktisë Shqipërinë për Italinë?/ Eva Murati firmos kontratën e rëndësishme

30 Mars 2021, 21:13, Lifestyle CNA

Moderatorja shqiptare Eva Murati tërhoqi vëmendjen e italianëve gjatë pjesëmarrjes së saj në emisionin ?Tiki Taka?, ku ishte e ftuar së  bashku me trajnerin e Udineses Luka Goti, ish-mesfushorin e Interit, Niko Berti, Diego Armando Maradona Jr dhe Francesco Oppini. Në një intervistë, moderatorja u shpreh se kishte  marrë prej kohësh ftesë nga stafi dhe produksioni i këtij programi.

 ?U kontaktova nga stafi i produksionit, donim ne të bënim një  hyrje më të hershme në program, por e kisha me merak të mbyllja 1/16 e Champions League këtu në Shqipëri për të vazhduar me plane të tjera kështu që debutimi im në Mediaset u shty për pas shortit.

Italianët janë mjeshtër të televizionit vërtetë e çojnë në një nivel tjetër atë prandaj nuk kishte si ishte një eksperiencë jo e mirë. E pabesueshme sesa shumë mund te mësosh kur e prek nga afër diçka të tillë. E konsideroj veten me fat sepse edhe në Shqipëri gjithmonë kam punuar me më të mirët në treg, me ata profesionistë që vërtetë kanë lënë gjurmë, por kjo eksperiencë do të mbetet e paharruar për mua?, ka treguar moderatorja.

Më tej, Eva Murati tregoi  se ka firmosur një kontratë shumë të rëndësishme në Itali me një kompani menaxhimi.

?Për ta bërë publike këtu, për herë të parë, arrita të finalizoj një kontratë me një kompani. Praktikisht para se të futesha në emision, mua mu tha që nëse t?i del mirë, nëse je e talentuar, këtu nuk të lënë më. Thanë të paktën 2 persona do të të kontaktojnë, unë i thashë aman njëri të më kontaktojë mjafton që ta bëj një kontratë, por që më kontaktuan rreth 6 persona, përfaqësues të kompanive të ndryshme të talenteve atje dhe e finalizova kontratën me njërin atje dhe për këtë jam shumë e lumtur?, u shpreh Eva Murati.

E pyetur nëse do ta lërë Shqipërinë, moderatorja deklaroi se ndihet mirë  me gjithë karrierën që ka ndërtuar këtu, por  këto vajtje ardhjet i pëlqejnë shumë, aq më tepër në televizionin italian.

?Jo nuk mund ta them që do e lë, puna ime këtu në Shqipëri është shumë e rëndësishme dhe padyshim unë ndihem shumë mirë me gjithë karrierën time që kam ndërtuar këtu, po pse jo këto vajtje ardhjet më pëlqejnë shumë aq më tepër në televizionin italian?.

?Është një kontratë me një kompani menaxhimi dhe padyshim për punë dhe projekte të ndryshme. Deri tani kemi përmbyllur me dy firma shumë të rëndësishme që operojnë edhe në Shqipëri, për çanta dhe rroba banjo?, tregoi Eva Murati./CNA.al





Lajmet e fundit nga