web counter
LEXO PA REKLAMA!

SHKARKO APP

App Store
Google Play

E fundit!

x

"Turp dhe skandal që duhet hetuar!”/ "Gjyshërit" e Boratit në radhë për vaksinën elektorale

30 Mars 2021, 14:23, Lifestyle CNA

Eksperti i Shëndetit Publik, Erion Dasho ka publikuar disa foto në rrjetet sociale, ku paraqiten dy realitete të ndryshme.

Një ajo e një fushate model, duke respektuar distancën e sigurisë, dhe gjyshër në radhë duke u shtyrë për tu vaksinuar.

Me tone të forta kritike Dasho e konsideron këtë si një skandal që duhet hetuar, ndërsa shton se për kryeministrin Rama nuk ka rëndësi shëndeti i qytetarëve por vetëm efekti që vaksinimi me vaksinën turke do të ketë në votën e 25 prillit.

“Nuk ka ditë që të mos dalin fakte të reja nga hipokrizia e Boratit!

Dita e çeljes së fushatës me kandidatët të larguar në distancë sigurie dhe bazuar në gjithë rekomandimet për parandalimin e COVID-it. Një pamje që do t’i bënte nder edhe Norvegjisë apo Finlandës!

Sot, në të njëjtin shesh, “gjyshërit” e Boratit në radhë duke u shtyrë për të përfituar vaksinën elektorale, në kushte që i ekspozojnë ndaj COVID-it duke u rrezikuar seriozisht jetën.

Nuk ka shembull më të mirë për të provuar se Borati nuk shqetësohet aspak për shëndetin dhe jetën e qytetarëve, por vetëm për efektin që vaksinimi me vaksinën turke do të ketë në votën e 25 prillit.

Turp dhe një skandal që duhet hetuar!”/CNA.al





Lajmet e fundit nga