E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

“Edi Rama si një rraqe për tu hedhur”/ Gjekmarkaj ia numëron një më një kryeministrit

27 Mars 2021, 12:53, Politikë CNA

Kandidati për deputet i PD, Agron Gjekmarkaj ka shpërthyer ndaj kryeministrit Edi Rama, duke e quajtur si një rrobë që duhet flakur. Ai është shprehur se, Rama do t?i humbasë zgjedhjet me meritën e tij dhe se nuk ka patur asnjë sukses gjatë qeverisjes.

Gjekmarkaj i ka numëruar një më një kryeministrit modelet negative që ka shfaqur në këto tetë vite qeverisje.

?Edi Rama si një rraqe për tu hedhur ! Edi Rama i humbet zgjedhjet për meritën e vet të plotë! Ai nuk ka patur asnjë sukses në qeverisje por shumë të tillë në modele! Mund ti rreshtojmë disa. Rama është Kryeministri më i gjatë, më shallvarëgjëri, më ekzibicionisti në gojështhurje , më arroganti, peng i lacave dhe bracave, rrugëhapësi i tyre në parlament e pushtet lokal.Gënjeshtar organik, bahçevan i banalitetit , kultivues i servilizmit, rrafshues i parasë publike, lerues i arave kanabike, debues i shqiptarve në emigracion, i dyshimtë vetë si emigrant.I papunë me shume fjalë mbi punën, natës i thotë ditë e ditën e bën të padobishme, kapës i drejtësisë i kapur vetë nga të padrejtët, lubrifikant i korrupsionit vetë më mendime të thata, zaptues i hapsirës mediatike në të cilën ka plot kamerierë lepe peqe. Mit për Elisën, Etildën, Ogertën, Damjanin, Arbenin, Nikon, Beqen e shumë të tjere kulturogë e akademikë si këta dhe bashkë me ta i urryeshëm për shumicën e shqiptarve !?, shkruan ai.

Më tej, Gjekmarkaj është shprehur se, në këto tetë vite, kryeministri ka bërë vetëm premtime dhe gënjeshtra. Ai ka theksuar se pas 25 Prillit, populli do të kthehet dhe Rama do të ikë.

?Edi Rama ka tetë vjet që detyroj popullin të ikë, tani do të kthehet Populli dhe do ikë Rama. Si saraj personal e ka bërë Shqiperinë së bashku me sejmenet e tij pa gjini ! Ai vetëm premton dhe në çdo rast kuturis një genjeshtër!

Tani atë që se ka bërë në tetë vjet na premton se do e bejë në katër ! I janë zëne veshet , i janë lebyrur sytë.Nuk kupton që Shqiperia kërkon dëbimin e tij por jo, ai kacavirret me thonj, këlthet , ulëret bërtet! E ka tejkaluar me kohë merzinë, çdo cak të dëmit po ashtu, duke fituar perbuzjen e popullit të tij ! ?, vijon më tej Gjekmarkaj.

?Edi Rama është kurajoz , është kurajoja e atij që ka frikë e atij që njeh vetveten në raport me bemet e pushtetit dhe fatin e mepasëm dhe o burra kerkon e kerkon me kotelet e tij nga pas që mjaullijnë si shpirt i keq!Edi Rama është i paditur, i palexuar në thelb i pashkollë me aftësi jo të vogla manipulimi!Edi Rama nuk ka më program, nuk ka më skuader, nuk ka me forcë , është thjeshtë një rraqe e historisë tashmë që po shkon pandalshem në muzeum ose tek kater penxheretë!Në Lezhë po nxjerrim lënden e parë për t?ja bërë sa më te lehtë jetesen e re!?, ka përfunduar ai./ CNA.al