web counter
LEXO PA REKLAMA!

SHKARKO APP

App Store
Google Play

Vrau Klodian Rashën/ Ish-oficeri i policisë kërkon ndryshim të akuzës

26 Mars 2021, 13:09, Kronika CNA

Gjatë seancës që u mbajt ditën e sotme, avokati i ish-efektivit të ?Shqiponjave? Nevaldo Hajdraj, i cili akuzohet për vrasjen e Klodian Rashës, ka kërkuar në gjykatë ndryshimin e akuzës nga ?vrasje me dashje? në ?vrasje në kapërcim të kushteve të mbrojtjes së nevojshme? si dhe ?gjykim të shkurtuar?.

Ndërkohë pas seancës paraprake të zhvilluar këtë të premete, Hajdaraj i ka kërkuar ndjesë edhe babait të viktimës, Qazim Rashës, ky i fundit u shpreh se ?kishte ardhur të shihte me sytë e tij drejtësinë?.

Kujtojmë se 25 vjeçari Klodian Rasha, u vra mbrëmjen e 8 dhjetorit 2020 nga oficeri i policisë së njësisë ?Shqiponja? Nevaldo Hajdaraj. Ngjarja ndodhi pasi autoritetet vendosën prej 17 nëntorit kufizimin e lëvizjeve pas orës 22:00 si masë për parandalimin e përhapjes së COVID-19.

Efektivi i poicisë pasi konstatoi Rashën jashtë orarit policor, i bëri thirrje për të ndaluar, por i riu nuk iu bind, ndërsa në ndjekje e sipër ai hap zjarr ndaj 25-vjeçarit pasi dyshonte se ishte i armatosur. Ndërkohë të nesërmen pas vrasjes së 25-vjeçarit autoritetet policore gjetën një armë rreth 200 metra larg vendngjarjes.

Ndërkohë nga hetimet e kryera rezultoi se pistoleta nuk ishte në pronësinë e Rashës, pasi nuk kishte asnjë gjurmë që e lidhte me atë. Kjo bëri që prokuroria të ndryshonte akuzën nga ?vrasje në kapërcim të kufijve të mbrojtjes? në ?vrasje me dashje?./CNA.al





Lajmet e fundit nga