web counter
LEXO PA REKLAMA!

SHKARKO APP

App Store
Google Play

Klientët e kokainës së Devi Kasmit/ Si u zhdukën nga dosja, prokurorë, gjyqtarë, njerëz të medias dhe showbizzit?

24 Mars 2021, 09:15, Kronika CNA

Sot, Prokuroria e Tiranës ka njoftuar se ka vënë në sekuestro pasurinë e familjarëve të Deivi Kasmit, i cili u ekzekutua me 29 Janar 2018, si pasojë e prishjeve të pazareve të drogës.

Vrasja e Devi Kasmit, zbuloi një listë me mbi 90 emra VIP, njerëz të rëndësishëm të politikës, medias, biznesit, gjyqësorit, prokurorisë, të cilët i detyroheshin shuma të mëdha parash, pasi kishin blerë prej tij lëndë narkotike.

Në kohën që ndodhi vrasja, në vitin 2018, CNA.al,mësoi nga burime të sigurta, se ekziston lista në fjalë, ku figuronin emrat dhe shumat e eurove që duhet të paguanin VIP-at për sasitë e ?mallit cilësor?, që tregtonte viktima, të cilat varionin nga 3 deri në 5 mijë euro.

Kështu, përveç drogës, Kasmit në shtëpi iu gjetën dhe një sërë gjërash personale, ndërmjet  të cilave një listë me emra të personave të njohur të medias, të showbizit, spiker, drejtues emisionesh e të tjerë, të cilët dyshohen se janë përdorues droge.

Gjithashtu në telefonin e Kasmit janë gjetur emra prokurorësh, gjyqtarësh, oficerë të policisë gjyqësore, si dhe policë, që dyshohet se kanë qenë bashkëpunëtor të Kasmit në trafikun e drogës.

Kjo listë është sekuestruar nga policia gjatë kontrollit të banesës disa orë pas atenatatit, por u mbajt e fshehur dhe Prokuroria dhe Gjykata kurrë nuk e përmendën.

Në këtë mënyrë klientët e Kasmit, shpëtuan jo vetëm nga borxhi por nga skandali që do të shpërthente, nëse emrat e tyre, nuk do të ishin zhdukur nga dosja e vrasjes./CNA.al





Lajmet e fundit nga