Neritan Liçaj nuk përmbahet/ S’ka lindur ai bir nëne që të mposhtë shqiptarin

25 Mars 2021, 18:51, Politikë CNA

Aktori Neritan Liçaj ka folur me tone të ashpra në hapjen e fushtës elektorale të Partisë Demokratike për zgjedhjet parlamentare të 25 prillit.

Liçaj tha se nuk ka lindur akoma ai njeri që të mposhtë shqiptarin dhe ta ulë atë përtokë, ndërsa ka hedhur akuza ndaj kryeministrit Edi Rama dhe kryebashkiakut të Tiranës Erion Veliaj.

?Këtu pulson zemra e vërtetë e shqiptarit që ne nuk jemi dembelë, ne nuk jemi zdromsa, ne jemi bijtë e shqipes që këtë pranverë do të shtrijmë krahët për të fluturuar lart e për të përplasur votën si shkelm fytyrës çitjanes me çizmet e arnuara fushate tredimensionale edhe lalit me gjuhë nepërke që nuk na mposhtin dot, nuk na gjunjëzojnë dot sepse nuk ka lindur ai bir nëne që të mposhtë shqiptarin dhe ta ulë atë përtokë, përkundrazi ne sot festojmë, festojmë ringjalljen e shqiprtit të shqiptarit, festojmë atë flamur kuq e zi që na ri në zemër kundër të gjithë atyre që përpiqen që ta kthejnë këtë vend në një paçavurllëk, që të pastrojnë lëndë helmuese luftarake, plehra, para droge dhe krimi?, u shpreh ai.

Aktori paralajmëroi Ramën se pas një muaji do ta shohë se sa i vlen lëkura, ndërkohë që dha edhe disa këshilla për qytetarët.

?Edhe një muaj dhe ke për ta parë sa të vlen lëkura. Shikoni këtej nga ky shesh se këtu pulson shqiptari, e jo krimi e droga. U them të gjithë atyre njerëzve që sot kanë pikëpyetje dhe kanë pyetje për ti bërë vetes, të gjithë secili nga ne ka pasur pikëpyetje në jetën e vet, ka pasur pyetje për ti dhënë përgjigje. Unë si qytetarë si njëri prej jush ju jap një këshillë shumë dashamirëse, shkoni në paqe sot në shtëpi shikoni thellë në sytë e prindërve tuaj, të motrave, të vëllezërve, të bashkëshortëve dhe bashkëshorteve, shikoni thellë në sytë e fëmijëve tuaj dhe keni për t?i gjetur të gjitha përgjigjet, që fëmijët tanë të mos bredhin rrugëve të botës sepse atdheu i tyre gjuajti me shkelm! Jo!

Që fëmijët tanë të rrinë aty ku kanë varret e paraardhësve, që fëmijët të mësohen ta duan atdheun dhe të luftojnë për të, që të mendojnë se ç?do bëjnë ata për atdheun e tyre dhe jo çfarë do bëjë atdheu për ta! Shikoni thellë! Shikoni me mendje të pastër dhe me zemër të fortë! Të gjithë atyre njerëzve të administratës që janë shqiptarë si ne, u them mos kërrusni shpinën e mos ulni sytë kur hani kërcënimin ?do t?ju heq nga puna?, por rrini përballë edhe keni për ta parë si flokxhilsat e rilindjes do ikin nga frika edhe do thonë ?jo, unë nuk mund të rezistoj kundër popullit tim?!

Të gjithë atyre efektivëve të policisë, atyre bij dhe bija shqiptarësh, u kujtoj betimin që kanë bërë kur kanë veshur atë uniformë! Me atë flamur këtu në krah që i janë betuar kombit, i janë betuar Shqipërisë dhe jo pushtetit kalbur. Të gjithë atyre njerëzve që iu ofrohet thesi i miellit, të mos e pranojnë atë thes miell edhe të futen në vaskë si dele të qëlluara me shpullë që të kthehen në numra dhe nesër të shikojnë gazin, shkopin e gomës dhe tytën e automatikut të policisë në fytyrë, siç na ndodhi neve në këto katër vite sikur ne të jemi armiqtë e këtij kombi?, theksoi Liçaj./ CNA.al