web counter
LEXO PA REKLAMA!

SHKARKO APP

App Store
Google Play

E fundit!

x

"Përballuam dy goditje fatale për shqiptarët”/ Rama tregon rezultatin e punës së tij

25 Mars 2021, 18:38, Politikë CNA

Kryeministri i vendit Edi Rama, në fjalimin e tij në nisjen e fushatës elektorale, ka folur për mënyrën se si Partia Socialiste ka përballuar pandeminë dhe tërmetin.

Sipas tij, falë qeverisë, dy goditjet e njëpasnjëshme të tërmetit dhe pandemisë së Covid-19, arritën të mbaheshin në një mënyrë shumë efikase.

Rama theksoi që qeveria e PS jo vetëm që rezistoi ndaj armikut të padukshëm, por bëri me çati shtëpie shumë familje shqiptare, të cilët sipas tij nuk e mendonin kurrë që do rregulloheshin kaq shpejt.

Kreu i qeverisë, ju kthen përgjigje qytetarëve që ankohen për vonesat e shtëpive, duke e krahasuar me familjet e një vendi si Italia, ku ende dhe pas 10 viteve tërmet nuk kanë një shtëpi të tyren.

?Falë PS shqiptarët kanë përballuar dy goditje të njëpasnjëshme, një tërmet katastrofik që i nxori rrugëve duke ia u hequr çatinë nga koka brenda pak sekondash mijëra familjeje.
Ne sapo kishim nisur luftën për të kuruar plagën e atij tërmeti na hyri në mës një tjetër ?tërmet? i shaktuar nga armiku i padukshëm, dhe ne përsëri rezistuam, sot cdo  familje të zakonshme dhe ata që kurrë më sdo ta kishin një shtëpi, po kthehen në çatin e tyre.

Ata që thonë ne jemi vonuar, ju them kthejeni pak kokën matanë detit dhe shihni familjet që jetojnë akoma në rulota në Itali edhe pas 10 viteve tërmet. Të gjitha kompanitë janë angazhuar për rindërtimin dhe janë gati 25 mijë puntorë që punojnë për rindërtimin, dhe janë 3100 kantierë ndërtimi?, tha Rama./CNA.al





Lajmet e fundit nga