E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Habit Arjan Çani/ “Lajm i mirë nëse do të ketë fushatë të egër deri në vrasje”

24 Mars 2021, 18:20, Aktualitet CNA

Arjan Çani ka treguar pritshmëritë e tij për zgjedhjet e 25 prillit. Çani pretendon se do të jetë një lajm i mirë nëse do të kemi një fushatë të egër deri në vrasje.

?Unë them do jetë lajm i mirë nëse do të ketë fushatë të egër deri në vrasje. Nëse s?do të ketë vetëm fjalë, do të fusë në një epokë të re vendin. Pa një akt të madh politik të fortë mendoj se nuk do të ketë asnjë ndryshim. Vetëm një akt i rëndë e bën ndryshe. Uroj të mos ndodhë, por do ta fusë vendin në shina të reja?, është shprehur Çani.

I pyetur për marrëdhënien e kryeministrit Edi Rama dhe deputetit Tom Doshi, Çani ka thënë se marrëdhënia e tyre ka qënë shumë e ngushtë deri në momentin që Doshi ishte në PS dhe që i dolën problem. Sipas Çanit, kjo duket si një fabul , sepse si ka mundësi që një superfuqi si SHBA të mos e heqë dot nga listat.

?Nuk kam ndonjë koment personal në lidhje me emrat që ju përmendët. Marrëdhënia e tyre ka qenë e ngushtë deri në momentin që Doshi ishte në PS dhe që i dolën probleme. Mendoj se PSD është një parti që është futur në këto zgjedhje për të mbështetur PS edhe pse jo në një listë. Kjo është një fabul që më bën për të qeshur se si ka mundësi që një superfuqi si SHBA nuk arrinë ta përjashtojë nga lista. Nëse Doshi nuk ka asnjë problem me drejtësinë shqiptare, me çfarë tagri duhet ta penalizojë. Doshi është duke kandiduar, ata ose duhet të gjejnë mënyra të tjera dhe jo vetëm thirrje ose duhet të merren me Australinë sepse Doshi është australian. Ata duhet ti bëjnë thirrje Australisë?, ka thënë Çani.

Në një intervistë, i pyetur për spostimin e senatorëve nga lista e PS, Arjan Çani ka thënë se arsyeja ishte estetike, duke theksuar se Rama i lyen fasadat e vjetra ose i shemb fare.

?Mund të ketë shumë arsye, por unë do t?i mëshoj shumë njërës që është arsye estetike. Rama i vë shumë rëndësi estetikës, po ta vëmë re ai i lyen fasadat e vjetra ose i shemb fare, siç bëri me spitalin. Këta të vjetrit ai nuk i duron dot estetikisht,? u shpreh Çani.

I ndalur tek libri i Lulzim Bashës, Çani thotë se nuk e di kush është misioni i tij, por kushdo qoftë është i mirëseardhur dhe se është pro ndryshimit.

Çani shtoi se nuk ka rëndësi se kush ia ka shkruar librin e ri, përsa kohë që ke një post të lartë, duke treguar se dhe Rama vetëm i ka hedhur një sy botimit të tij dhe nuk e ka shkruar vetë.

?Por them që është gjë e mirë sepse ka njerëz që duan të lexojnë dhe jo të qëndrojnë në telefon. Nuk e di kush është misioni i tij, por kushdo qoftë është i mirëseardhur dhe unë jam pro ndryshimit. Kjo nuk ka asnjë rëndësi. Kur ke një post të lartë nuk ka rëndësi. Në të gjithë botën njerëz të tillë nuk kanë nevojë të shkruajnë. Jam i bindur që edhe Rama nuk e ka shkruar vetë librin e tij, vetëm i ka hedhur një sy?, tha Çani.

I pyetur nëse kryetarja e LSI mund të fitojë zgjedhjet, Çani ka thënë se një ?adoleshente? si Monika mund të fitojë zgjedhjet por jo e vetme, ku shton se pavarësisht ideve që kanë krijuar për të ajo është punëtore dhe kur merr përsipër të bëjë diçka e çon deri në fund.

?Mendoj se një edhe një adoleshente si Monika mund të tojë zgjedhjet, por jo e vetme. Pavarsisht nga perceptimi që mund të kenë për të ajo ka gjithë jetën që merret me këtë punë dhe mund të them që mund të kesh simpati apo antipati për të, por ajo është punëtore dhe kur merr përsipër të bëjë diçka e çon deri në fund. Askujt s?ia merrte mendja që Berisha të kthehej,? tha Çani/ CNA.al