web counter
LEXO PA REKLAMA!

SHKARKO APP

App Store
Google Play

E fundit!

x

LRE prezanton kandidatin për deputet në Kukës

23 Mars 2021, 13:44, Politikë CNA

Kryesuesi i listës së kandidatëve për deputetë të LRE për Qarkun e Kukësit është Asllan Hoxha.

Asllan Hoxha është jurist i njohur në qytetin e Kukësit dhe një njeri me integritet e ndershmëri të lartë.  Në detyrat shtetërore dhe institucionale që Asllan Hoxha ka kryer, gjithmonë është dalluar për korrektësinë e tij maksimale ligjzbatuese dhe për papërlyeshmërinë e njëkohësisht për ndershmërinë e moskorruptueshmërinë e tij.

I dyti në listën e Kukësit është djali hasian dhe Trajneri i Futbollit, z. Korab Koka.

Kryetari i LRE, pedagogu Arian Galdini deklaroi se: “Shqiptarët kanë 80 vite që mbahen peng nga indoktrinimi dhe kultura e gabuar komuniste e fanatizmit dhe besnikërisë së verbër partiake. As në me kanun, as me traditë, as me zakone nuk ekziston kurrkund ndonje porosi apo ligjësi apo parim a vlerë që u kërkon njerëzve të jenë besnikë ndaj Partisë apo ndaj Hajdutit. Fjala e dhënë Hajdutit, fjala e dhënë Partisë, janë shkelje e çdo parimi e tradite. Sidomos ky kompleksi i bretkosës që kujton se bota është sa gryka e pusit ku ka rënë është vrastar për Shqipërinë dhe të ardhmen tonë. Ata qytetarë që me mentalitet komunist, mendojnë se bota është sa “gryka e pusit të partisë” ku kanë ngecur, janë në aktvrasje ndaj demokracisë dhe të ardhmes së vendit tonë. Nuk është burrni ti japësh fjalën hajdutit dhe ti japësh fjalën partisë. Burrni është të qëndrosh i ndershëm e të zgjedhësh të ndershmit. LRE është alternativa e qytetarëve të ndershëm, halleplotë, e të papërlyer. Votoni LRE, votoni Nr 8, votoni Shqipërinë e Ndershmërisë.”/CNA.al





Lajmet e fundit nga