web counter
LEXO PA REKLAMA!

SHKARKO APP

App Store
Google Play

Pas përplasjes me policinë/ Drejtësia i “kërcet” dhëmbët Metës

23 Mars 2021, 11:41, Politikë CNA

Sot Gjykata Administrative ka pushuar anikimin e kryetarit të FRD, Sali Shehu në lidhje me lirimin e zyrave për të cilat Bashkia e Tiranës  thotë se janë pronë e saj. Më shumë se sa Sali Shehun drejtësia i ka dhënë sot goditje presidentit Ilir Meta.

Ky i fundit para disa ditësh u përplas fizikisht me punjonjësit e policisë duke i kërcënuar dhe bërë deklarata të forta se do ti çojë në burg. ?Dilni përjashta se do ju çoj në burg me duart e mia?, është shprehur Meta gjatë përplasjes.

Po sot drejtësia i ka dërguar një sinjal të qartë Presidentit Ilir Meta, se nuk do të shpëtojë nga filtri i saj. Risjellim në vëmendje se Meta ka qenë i akuzuar nga ish kryeministri Sali Berisha në lidhje me floririn e Kërrabës.

Dhe më vonë nga ish ministri Dritan Prifti për korrupsion. Mbarë opinioni publik, me 11 janar 2011, dëgjoi dhe pa me zë dhe figurë se si Meta, u bë i dyshuar për pazare korruptive.

Emisioni investigativ ?Fiks Fare? publikoi videon ku Ilir Meta, zv kryeministri, i atëhershëm ndodhet në zyrën e ministrit të atëhershëm të Ekonomisë, Dritan Prifti dhe i kërkonte favore për një tender hidrocentrali dhe disa afera të tjera korruptive.

Ndër të tjera bisedë përmendeshin përqindje apo shifra për 700 mijë euro që sipas zotit Prifti i ishin ofruar në këmbim të nje licence hidrocentrali. Videoja ishte regjistruar nga vetë Dritan Prifti, sot i ndjerë, më 1 mars 2010.

Për këtë rast Meta ia hodhi pa u laguar dhe me një sërë dyshimesh se bleu ekspertë dhe gjyqtarë. Por sot duket se nuk do të ketë më gjyqtarë dhe ekspertë që do ta shpëtojnë Metën nga drejtësia. Këtë e tregoi vendimi i Gjykatës Administrative që dha në lidhje me zyrat e FRD./ CNA.al





Lajmet e fundit nga