web counter
LEXO PA REKLAMA!

SHKARKO APP

App Store
Google Play

E fundit!

x

Rindërtimi i hidrocentralit të Skavicës/ Balluku garanton transparencë publike

23 Mars 2021, 11:02, Politikë CNA

Ministrja e Infrastrukturës, Belinda Balluku, ka folur sot në kuvend për rindërtimin e hidrocentralit të Skavicës. Ajo është shprehur se do të ketë transparencë publike për gjithçka që do të planifikohet për ridnërtimin e tij. Gjithashtu Balluku, ka thënë se me rindërtimin e hidrocentralit nuk do të ketë më përmbytje në zonën e nën Shkodrës.

“Një ëndërr e madhe e cila nuk ka gjetur mundësi që të realizohet deri më sot Ndërtimi i Centralit të Skavicës. Është një instrumet rregullatori i kaskadës së Drinit. Duhet thënë që qeveritë e mëparshme nuk arritën q ëta plotësonin këtë vepër. Ne tashmë kemi kryer të gjitha hapat paraprake me kompaninë amerikane. Kontrata është ndarë në dy pjesë.

Kontratat e parë do të jetë midis KESH dhe Bechtel Interenational. Duhet pasur parasysh që kjo kontratë do të ketë kapituj që do të lidhen me studimin ambiental të zonës. Do të bëhet në studim i mirëfilltë mjedisor. Kontrata e parë do të fokusohet në përgatitjet e projektit teknik. 4-6 javë pas hyrjes në fuqi të këtij ligji dhe brenda 30 ditëve do të negociojnë kushtet e kontratës së parë. Kontrata e fazës së dytë do të firmosë brenda tre ditësh pune nga data e finalizimit të saj, që do të përfshijë projektimin dhe ndërtimin e Skavicës. Ftoj deputetët që ta votojnë këtë projektligj. Përveç prodhimit të energjisë do të rriten kapacitete prodhuese për tre hidrocentralet ekzistuese dhe do të japë një zgjidhje për përmbytjet në zonën e nën Shkodrës.

Investimi nuk është një investim që behet nga Bechtel por nga qeveria shqiptare. Faza e parë e studimit do të mbulohet me fonde të KESH. Është një investim me shumën 550 milionë dollarëve. Për sa i përket fazës së dytë do të dalin edhe kapacitete prodhuese në këtë HEC dhe kapacitete që do të shtohen në tre hidrocentralet e tjera. Do ishte mirë që mos të shprehemi para studimit. Nëse ne do të jepnim. Do zgjedhoja ca më tepër shqetësimin që kanë shtruar deputetët e Dibrës të grupit parlamentar të PS-së. Do të ketë një kapitull të tërë për sa i përket përgjegjësisë sociale të qeveris. Kemi një numër të pronave të cilat preken, por unë do të thoja që pa përfunduar studimi i parë, i cili do të nxjerrë zonat të cilat duhet të shpronësohen, por që do ti gjendet zgjedhja.Do të sqarohet komuniteti i zonës për ndikimin që do të ketë. Studimi do të bëjë transparencë publike, është invetsim i madh i shtetit shqiptar, por po bashkëpunojmë edhe me SHBA pavarësisht situatës së vështirë “, është shprehur Balluku./ CNA.al





Lajmet e fundit nga