web counter
LEXO PA REKLAMA!

SHKARKO APP

App Store
Google Play

E fundit!

x

‘Është abuzuar me qindra milionë dollarë projekte’/ Agron Duka i kërkon llogari Ramës

23 Mars 2021, 15:45, Politikë CNA

Kreu i Partisë Agrare Ambientaliste, Agron Duka ka dalë me një reagim në rrjetet sociale ku akuzon kryeministrin Rama se duhet të japë llogari për jo vetëm shqiptarëve por dhe taksapaguesve europianë.

Sipas tij janë qindra milionë dollarë projekte ku është abuzuar dhe për të cilat BE ka tërhequr vëmendjen vazhdimisht.

“Kryeministri ndihet i shqetësuar rëndë, i trembur, se komisionerët e BE janë në komunikim me opozitën dhe kërkon tërheqje vëmendje nga Brukseli. Sipas tij kështu abuzohet me taksapaguesit europianë. Rama duhet ti japë llogari jo vetëm shqiptarëve por edhe taksapaguesve europianë, sepse qindra milionë dollarë projekte në mbështetje të infrastrukturës, bujqësisë, mjedisit, reformave të shumta, janë para dhe taksa të qytetarëve europianë.

Janë projekte për të cilat qortimet europiane kanë qenë të përsëritura për abuzimet, mungesën e theksuar të sundimit të ligjit, në mos-vajtjen e investimeve në shërbim të qytetarëve shqiptarë. Opozita e bashkuar dhe PAA si pjesë e rëndësishme e saj janë partnerët seriozë të BE, që do të qeverisin Shqipërinë pas 25 prillit. Kjo qeveri është tashmë e shkuara, “Aleanca për Ndryshim” po nënshkruan kontratën e besimit me shqiptarët.”/CNA.al

 





Lajmet e fundit nga