E fundit!

16:34 Aktualitet

"Vetëm një ndalesë në pikat doganore"/ Nënshkruhet marrëveshja mes Shqipërisë dhe Maqedonisë së Veriut

Shqipëria dhe Maqedonia e Veriut kanë arritur një marrëves...

Duro: Nuk fshihem që jam tifoz i Partizanit

19 Mars 2021, 08:10, Sport CNA

Shpëtim Duro është kthyer në ?macen e zezë? të Partizanit në edicionet e fundit, duke regjistruar rezultate të rëndësishme ndaj të kuqve me skuadrat që ka drejtuar në Superiore. Por kjo e fundit ka qenë krejtësisht ndryshe, pasi në stolin e Laçit ka eliminuar skuadrën me të cilët është tifoz nga Kupa e Shqipërisë.

Kjo ndeshje u shoqërua me shumë polemika pasi Partizani është ankuar për vendimet e kryesorit Kridens Meta. Por sipas Duros, këto pretendime janë vetëm në një rast të drejta, siç shpjegoi në ?Sport News? gjatë një interviste, ku i referohej moviolës së Bujar Pregjës, i vetmi që e kishte parë në atë këndvështrim ndeshjen.

?Sigurisht që për atë që kemi zhvilluar deri në këto momente, patjetër që e meritonim, gjatë ndeshjes sigurisht ka edhe situata tensioni. Por edhe nëse do të kualifikohej Partizani do të meritonte, por edhe ne e meritojmë për arsye se jemi kualifikuar në gjysmëfinale. Parashikohej ndeshje e vështirë se ishin dy skuadra në situatë të mirë dhe patjetër shihej si duel interesant. Tani pas ndeshjes jemi më të qetë. I kam parë edhe kronikat, edhe unë jam i mendimit personalisht, por edhe duke iu referuar një prej specialistëve më me përvojë të moviolës, kanë qenë dy penallti. Patjetër e para për Partizanin dhe një për ne.

E kam deklaruar dhe nuk fshihem, jam tifoz që i vogël i Partizanit dhe nuk e diskutoj. Që në moshën 10-vjeçare kam qenë i lidhur me Partizanin, kam qenë disa herë si lojtar e trajner dhe në brendësi nuk e llogaris me asnjë skuadër tjetër. Por profesioni është i tillë dhe duhet të punojmë, ku kam qenë kam dhënë maksimumin se jemi profesionistë.

Por më ka bërë përshtypje sot, takoj shumë tifozë të Partizanit. Më uronin për kualifikimin dhe më thonë ?na u bë qejfi për ju edhe pse jemi të Partizanit?. Edhe unë i Partizanit jam por është detyra e profesioni. Kjo ka qenë sot në takimet që kam patur gjatë ditës?, tha Duro gjatë intervistës së tij.