E fundit!

18:24 Aktualitet

Mbahet protesta e shtatë në Tiranë kundër qeverisë

Këtë të shtunë po mbahet protesta qytetare e radhës në qen...

Xhefari: Brdaric nuk u shkarkua, synojmë titullin kampion

14 Mars 2021, 08:05, Sport CNA

Alban Xhaferi, sponsori i Vllaznisë, mohon të gjitha lajmet që u përhapën dje nga burime brenda grupit drejtues të klubit shkodran se Tomas Brdariç ishte shkarkuar nga drejtimi i skuadrës. Sipas tij, kjo nuk ka qenë asnjëherë tema e diskutimeve të djeshme dhe është keqinterpretuar, edhe pse vetë trajneri më pas e pranoi për mediat se nuk ishte më në stolin e Vllaznisë. Në ?SuperSport?, Xhaferi theksoi se çdo diskutim ishte bërë për të ardhmen e klubit në një moment krize, që të mos rrezikohej objektivi i vërtetë i edicionit që ishin Kupat e Europës, edhe pse ai personalisht nuk e përjashtonte skuadrën nga lufta për titull.

?Ky është kampionati më i forte se është rikthyer Vllaznia, shihet diferenca me ku ishim një vit më parë e ku jemi. Vllaznia ka zbukuruar kampionatin me rikthimin e saj dhe besoj se do të jetë gjithmonë në këto nivele në vijim.

Trajneri? Ne si klub nuk kemi dalë me deklaratë që kemi larguar trajnerin, është e rëndësishme për t?u theksuar. Çdo media duhet t?i referohet klubit, kemi pasur diskutime dhe kjo është normale.

Nuk mund të menaxhoj mediat, ndoshta një diskutim i hapur mund të ketë dalë jashtë. Por kur merret një vendim i rëndësishëm për trajnerin, ne jemi klub serioz dhe menjëherë do të ishte bërë zyrtar. Ka qenë diskutim i brendshëm brenda familjes se nuk jemi të kënaqur me rezultatin dhe brenda diskutimeve mund të ketë pasur pakënaqësinë njëri me tjetrin, kemi vendosur kushtet tona si do të vazhdojmë. Pastaj diskutimi në dhomat e zhveshjeve më lojtarët ka qenë teknik i trajnerit, unë marr pjesë në mbledhje si mbështetje për trajnerin për të vazhduar projektin. Humbja ishte e dhimbshme po nuk do të thotë se ishte fundi. Duhet të mësojmë nga kjo humbje dhe ndeshjet përpara shpresojmë të ecim në objektivat që kemi paracaktuar.

Ardhja e Brdariç te Vllaznia ka sjellë risi në kampionatin tonë si nga filozofia e lojës dhe mënyra e trajnimit. Mendoj se brenda një familje e skuadre mund të ketë probleme të ndryshme. I kam dhënë besim të plotë, për çdo problem, edhe ekipin do ta ketë në krah. Edhe lojtarët kanë mbështetjen tonë dhe i kemi dhënë hapësira. Mund të ketë qenë ndonjë element që ka pasur hatërmbetje, për pjesëmarrjen, por situata është nën kontroll. Do të vazhdohet stërvitja që nesër për të vazhduar projektin tonë.

Vllaznia është aktualisht nën administrimin e Bashkisë, ne jemi afruar për të dhënë asistencë si donatorë e asistencë teknike se klubi është në proces shitje dhe shpresojmë të vazhdojë projekti që është nisur.

Nuk dua të anashkaloj punën e mirë që ka bërë trajneri. Ai ishte hero e vazhdon të jetë hero në këndvështrimin tim. Ishte një moment ku Vllaznia nuk kishte pasur shifra të tilla asnjëherë në historinë e saj. Jemi të kënaqur, por duhet pranuar që në ndeshjet e fundit Vllaznia ka pasur ngërç e ne duhet të vlerësojmë me kujdes se nëse ecim kështu rrezikojmë, rrezikojmë objektivat. Pastaj presioni në Shkodër është i madh, kanë krijuar një pritshmëri ndoshta jashtë mundësisë. Jemi të lumtur që ia kemi krijuar këtë pritshmëri, por është e rëndësishme që të vazhdojmë me objektivat.

Nuk e themi fjalën titull por nuk e përjashtojmë, vazhdoj të mos e përjashtoj. Ky nuk është presion, në fund duhet të arrijmë objektivin. Por mos harroni që ka gjëra delikate, jemi në proces privatizimi, ndoshta është procesi më delikat për të ardhmen, duke pasur parasysh edhe licencimin që afatet po afrohen. Shpresoj të jetë e shpejtë në këtë krah që projekti të vazhdojë. Unë e kam për të ardhmen, jam optimist që do arrijmë objektivat. Por Vllaznia duhet ridimensionuar në të gjitha aspektet, nga infrastruktura te akademia.

Kthimi i trajnerit nga lojtarët? Duhet kuptuar se në momentin që ka pasur diskutime, ka pasur edhe reagime nga lojtarët pozitive për trajnerin, madje edhe nga tifozët që kanë pasur reagime nga pozitive. Normalisht për ne është ngrohje e madhe që lojtarët e duan, është gjysma e punës. Por nuk kemi marrë vendim për shkarkimin, kemi qenë në faze diskutimesh. Ai thotë që lojtarët kanë ndikuar pozitivisht e kanë marrë përgjegjësi, për ne ka qenë gjë optimiste që na dha shpresë se ekipi do të ecë mirë përpara.

Mendoj që në moment të caktuara mund të ketë pasur eufori, entuziazëm. Ky është momenti i reflektimit, ia kemi thënë lojtarëve që Vllazninë jeni ju që e keni bërë me ato ndeshje të bukura, e ju mund ta bëni prapë. Kjo është një krizë, janë disa ndeshje jashtë pritshmërisë. Mendoj se është një moment reflektimi. Ne jemi në garë për të gjitha, për titullin e pse jo për të arritur objektivat.

Kush i merr vendimet? Te Vllaznia kemi krijuar një model që gjithsecili të marrë detyrat që i takon, duke filluar nga drejtori teknik që ka bërë ekipin te trajneri që nuk ka asnjë ndërhyrje te puna e tij. Pastaj kemi krijuar grup pune që kemi vendosur për trajnerin, këtë moment është kryetarja e bashkisë që është presidentja e klubit, un kam asistuar. Janë pjesa tjetër e stafit që kemi diskutuar, ka unanimitet të plotë në mendimet tona Nuk është momenti të themi kush i merr vendimet, është e rëndësishme të kalohet faza e privatizimit se në fazën e dytë pozicionet janë më të optimizuara nga organigrama. Nuk kemi divergjenca e kundërshti, kemi bërë diskutime dhe projekti nuk ka qenë diskutim vazhdimësie i trajnerit, por vetëm si të përmirësohet situata?, tha ndër të tjera Xhaferi.