"Na janë dhënë 7-8 penallti kundër, ndeshjet të mbahen korrekte", Memelli ka pretendime për gjykimin

13 Mars 2021, 15:16, Sport CNA

Skënderbeu ka dalë pa pikë nga ndeshje e sotme shtëpiake përballë Laçit, teksa u mposhtën me rezultatin 0-2. Pas ndeshjes për Supersport, trajneri i korçarëve Migen Memelli ka pasur pretendime mbi një penallti të mundshme për ekipin e tij, ndërsa theksoi se kërkon që ndeshjet të mbahen në mënyrë në korrekte.

Nuk dua t?i hyj këtyre rasteve. Por, Laçi ka marrë një penallti të tillë ndaj Kuëksit në Elbasan Arena, por këto janë çështje që i përkasin gjykimit. Në pjesën e dytë treshja e mesit të fushës nuk fuksionoi siç duhet, bëmë gabim dhe Laçi na kapi, erdhi faulli që pati devijim. Duhej të vinte gol që të na mbante në lojë, për të na ardhur pastaj gabimi që nuk u nxorr topi në anësore. Fataliteti te goli i dytë është i madh dhe një 2-0 në kampionat shqiptar është e vështirë që të kthehet.

Nuk dua t?i heq meritat Laçit absolutisht se është me meritë në vend të parë. Kur gjërat bëhen mirë në fushë dhe ke suportin e merr atë që të takon, nëse këto dy detaje, nuk e di për penalltinë, por nëse kalon në avantazh gjërat qetësohen, skuadra merr besim, krijon psikozën që karshi një skuadre të madhe mund të fitohet siç bëmë në Elbasan.

Shtyrje ka, nuk e di si e ka parë gjyqtari, sido të jetë nuk dua të bëj ekspertin se gjyqtarët janë ata që vendosin gjërat në fushë. Ne na janë dhënë 7-8 penallti kundër, nuk është se duam një dorë për të na shtyrë, duam që ndeshjet të mbahen në mënyrë korrekte, sot është mjaft korrekt, por këto detaje të vogla janë ato që na kushtëzojnë për të marrë rezultat ndaj skuadrave të mëdha.

Edhe pse Mazrekajn e ka prekur goxha para se të bëja analizën me skuadrëm se të krijon probleme në mbrojtje, sido të jetë pastaj lojtarët në një moment apo tjetër e humbin vigjilencën. Por, gjithsesi mendoj se izoluam mirë .Pastaj pjesa e fallit është individuale, goditjen e ka në nivelin e lartë teknik, gabimi që duhej të eliminonim ishte nxjerrja e topit jashtë.

Publikisht dua t?i them lojtarëve që ka edhe 12 javë kampionat, nuk ka mbaruar asgjë akoma, duhet të vazhdojmë luftën. Sido që të jetë shkojmë në Fier, të bëjmë ndeshje të mirë dhe të marrim maksimumin nga kjo?, u shpreh Memelli.