web counter
LEXO PA REKLAMA!

SHKARKO APP

App Store
Google Play

Luhen sot 3 ndeshjet e Superiores, sytë te derbi Tirana-Partizani

13 Mars 2021, 08:00, Sport CNA

Java e 24 e Kategorisë Superiore do të mbyllet në ditën e sotme teksa vëmendjen kryesore do ta rrëmbejë derbi i kryeqytetit mes Tiranës dhe Partizanit. Bardheblutë e trajnerit Orges Shehi vijnë në një formë të mirë pas tre fitoreve radhazi dhe në rast të një tjetër suksesi, atëherë mund të rihapin shumë skenarë për vazhdimësinë e tyre.

Nga ana tjetër, të kuqtë nuk kanë qenë në më të mirën e tyre në tre ndeshjet e fundit, ndërsa humbja me Skënderbeun ka lënë gjurmë. Gjithsesi, të besuarit e trajnerit Ilir Daja janë brenda objektivave të sezonit dhe nëse fitojnë, atëherë vazhdojnë rrugën për të synuar titullin duke lënë pas krahëve Tiranën. Ndaj, ky derbi mund të vendosë shumë për skuadrat, ndërkohë kujtojmë që dy derbit e kaluar të këtij sezoni kanë përfunduar një në barazim dhe një tjetër me sukses për Partizanin. Sakaq, Teuta në Niko Dovana do të presë Kastriotin.

Durrsakët me një fitore do të kishin shanset për të parakaluar Vllazninë në kryesim dhe të ngjiteshin në krye të Superiores. Megjithatë, Kastrioti është një kockë e fortë, e këtë e ka treguar edhe në ndeshjen e parë në Durrës ku barazuan ndaj Teutës me rezultatin 1-1.

Ndërkaq, ndeshja tjetër e javës është ajo ndaj Skënderbeut me Laçin. Korçarët vijnë me moralin lart pas triumfit me Partizanin dhe pretendojnë ende të qëndrojnë në Superiore, ndërsa nga ana tjetër kurbinasit, si Teuta, kanë shansin të marrin kryesimin dhe të kalojnë në renditje Vllazninë.

Ndeshjet:

13:00 Tirana-Partizani

13:00 Skënderbeu-Laçi

16:00 Teuta-Kastrioti





Lajmet e fundit nga