web counter
LEXO PA REKLAMA!

SHKARKO APP

E fundit!

x

Vokshi nga Durrësi/”Gjatë qeverisjes të Ramës gratë janë dhunuar dhe keqpërdorur”

12 Mars 2021, 11:23, Politikë CNA

Ish deputetja e Partisë Demokratike, Albana Vokshi ka qenë pjesë e takimit në Durrës, me në krye Lulzim Bashën.

Në një bashkëbisedim me gratë dhe vajzat Vokshi u shpreh se gratë e sotme në qeveri dhe administratë keqpërdoren.

Ndër të tjera ajo u shpreh se gjatë 8 vitevë të kësaj qeverie,gruaja është dhunuar dhe braktisur në çdo formë, për këtë arsye çdo grua duhet të votojë për ndryshimin që do të sjellë Lulzim Basha.

?Gratë sot në qeveri, në administratë, keqpërdoren. Në të vërtetë, në qeverisjen e Edi Ramës gruaja është dhunuar, është braktisur, në të gjitha format e saj. Një raport i huaj jep shifra tronditëse, se në Shqipëri mbi 1 milion gra pësojnë dhunë verbale, fizike, psikologjike, e në mënyrë të përditshme dhunë institucionale. Është tronditëse të shohësh dhjetëra raste në ditë të grave pa asnjë mundësi, asnjë alternativë, pa punë, pa të ardhme. Gratë dhe vajzat shqiptare më 25 prill do të bëjnë ndryshimin, do të votojnë PD, një qeverisje që kujdeset për ta, dhe një kryeministër, z. Lulzim Basha, që do t?i ketë në mbrojtje, për t?u dhënë atë që ju ka munguar, barazinë?, tha Vokshi./CNA.al





Lajmet e fundit nga