web counter
LEXO PA REKLAMA!

SHKARKO APP

App Store
Google Play

Ronaldo dhe Messi jashtë Champions League, po vjen fundi i një epoke...

11 Mars 2021, 07:19, Sport CNA

Eliminimi i Juventusit dhe Barcelonës në fazën e parë me eliminim direkt në Ligën e Kampioneve, i ka dhënë fund një prej epokave me entuziazmuese në historinë e turneut më të rëndësishëm për klube në kontinent, Për herë të parë pas 16 vitesh, çerekfinalet do të fillojnë pa Kristiano Ronaldon apo Lionel Mesin, pasi të dy skuadrat e tyre i kanë dhënë lamtumirën turneut.

Një gjë e tillë nuk ndodhte që nga sezoni 2004-2005, pasi që atëherë, në çdo vit të paktën njëri prej tyre ishte mes 8 ekipeve më të mira të turneut. Që atëherë ata u bënë protagonistë të sukseseve të jashtëzakonshme në radhët e ekipeve të tyre, duke regjistruar rekord pas rekordi në një garë e rivalitet të rrallë për historinë e futbollit.

Në këto 16 vite, Liga e Kampioneve ka folur me emrat e Ronaldos dhe Mesit, por dështimi si i portugezit, ashtu edhe i argjentinasit në momentet kur mund të kishin qenë vendimtarë për skuadrat përkatëse, duket se ka filluar të dekretojë pak nga pak fundin e një prej epokave më entuziazmuese në futbollin botëror në turneun që i bëri më shumë se çdo gjë tjetër emra të mëdhenj.





Lajmet e fundit nga