web counter
LEXO PA REKLAMA!

SHKARKO APP

App Store
Google Play

Dorëzohen zvicerianët: Bajrami na tha se zemra e tij rreh për Shqipërinë

9 Mars 2021, 13:56, Sport CNA

Ka luajtur në të gjithë nivelet e moshave të Zvicrës (nga U15 te U21), mirëpo në fund zemra nuk komandohet dhe në këtë formë pritet që Nedim Bajrami të jetë së shpejti pjesë e Shqipërisë së Edi Rejës.

Në fakt, për futbollistin që luan me Empolin në Serinë B dhe që është nga më të rëndësishmit e skuadrës, është folur shumë së fundmi teksa kombëtarja helvete nuk kërkonte të hiqtë dorë prej tij.

Megjithatë, në fund, 22-vjeçari ka vendosur për kuqezinjtë teksa siç thotë edhe trajneri i Zvicrës U21, Mauro Lustrineli, Bajrami ka treguar që zemra i rreh për Shqipërinë. ?Ne provuam ta bindnim Bajramin të vazhdonte të luante për Zvicrën. Por, më pas ai na tha se zemra e tij rreh për Shqipërinë.

Kështu, për ne në kombëtare identifikimi është një nga vlerat kryesore, ndaj nuk kishim zgjidhje tjetër veçse ta linim të largohej? u shpreh Lustrineli për ?Blick? rreth mesfushorit shqiptar.

Bajrami në këtë sezon me Empolin është aktivizuar në 25 ndeshje, ndërsa ka shënuar edhe tre gola duke ndihmuar ekipin që është në vendin e parë të Serisë B dhe është favoritja e madhe për të qenë pjesë e elitës italianë në sezonin e ardhshëm.





Lajmet e fundit nga