Ironizon Saimir Kola/ Agron Duka, gjeli i pularisë së Edi Ramës

8 Mars 2021, 19:45, Politikë CNA

Kryeministrit Edi Rama ironizoi sot aleatët e Lulzim Bashës dhe më konkretisht për Agron Dukën, të cilin e quajti gjelin e Partisë Agrare.

?Agron Duka, do mbetet në historinë e estradave politike shqiptare, si i vetmi kryetar partie pas vitit 1912 i cili nuk e nxori asnjë ditë nga garazhi partinë e tij Agrare, të cilës ja justifikon emrin me faktin se vetë jeton me tagjinë e SHQUPIT, në pritje që Luli ta ribëjë pakëz ministër Bujqësie, meqë Agroni si gjeli i agrares përfaqëson aq shumë pula, zogj, vezë, saqë për kotec i shkon vetëm Ministria e Ushqimit?, u shpreh Rama.

Për këtë deklaratë ka reaguar edhe gazetari Saimir Kola. Gazetari thotë se PAA nuk ka qenë asnjëherë në garazhin e Dukës, ndërsa për këtë të fundit deklaron se është në drejtim të partisë sa një mandat qeverisës i Ramës.

Kola ka publikuar një video të disa viteve më parë dhe kujton fjalimin e kreut të grupit parlamentar të PS-së, Taulant Balla, i cili kërkoi koalicion me PAA.

?Agron Duka, gjeli i pularisë së Edi Ramës

Ajo qe degjova sot te thene nga kryeministri Rama ndaj Agron Dukes me beri te kuptoj se ka nje hall te madh. Fakti qe dikur kam qene prane Agronit me ka dhene nje akses te mire ndaj asaj qe ndodhte ne prapaskenen politike dhe nje nga ato gjera qe ka ndodhur ne kete prapaskene ka qene kjo.

Partia Agrare nuk ka qene asnjehere ne garazhin e Agron Dukes. Madje kjo Parti eshte shume e re per Agronin sa per te qene sic thote Rama, ne garazh. Agroni eshte nen drejtimin e saj prej pak vitesh, sa nje mandat qeverises i Rames dhe ne kaq pak kohe pati nje sukses te madh. Me kujtohet kur po organizonim Kongresin e saj, nje organizim spektakolar. Dhe mbaj mend se si Rama kerkonte patjeter qe Agroni te ishte ne koalicion me Ramen, ose te pakten te futej ne zgjedhje per te justifikuar cmendurine qe pergatiti per te bere zgjedhje pa opoziten. Nuk pushohte Tauant Balla duke kerkuar kete koalicion, madje erdhi ne Kongres dhe e shpalli publikisht oferten e tij per ta Bere Minister Bujqesie Agronin.

Dhe Agroni e refuzoi kete. Nuk la Rama keshilltar te tij dhe disa miq diplomate te huaj pa i sjelle tek selia e PAA per ta arritur kete synim dhe nuk e ia arriti dot, madje edhe mbremjeve vone. Kjo pra shoku Edi nuk ka beje me deshiren e Agronit per t’u bere minister, por ka te beje me fjalen e dhene. Edhe pse Lulzim Basha nuk e renditi Agronin ne listen fituese, edhe pa i garantuar asgje, ai dhe partia e tij mbajti te njejtin qendrim, qendruan me Bashen, me anen e drejte te situates se atehershme. Pra Rama dikur e kerkonte Duken ta kishte si Gjel te pularise se tij, tani paska ndryshuar. Paska gjetur gjela te tjere ose i kane dale pulat rrugeve dhe nuk i mbledh dot, e ndaj i duket se kjo ndodhi per shkak se Agroni nuk pranoi te ishte Gjeli i kesaj pularie?, shkruan gazetari në rrjetet sociale./ CNA.al