web counter
LEXO PA REKLAMA!

SHKARKO APP

App Store
Google Play

Një tufë me koordinatorë/ Tallja e Bashës me servilët e tij

8 Mars 2021, 19:18, Politikë CNA

Lulzim Basha ditët e fundit ka shpikur koordinatorët, të cilët kryesisht janë emra që ai i ka pasur deputetë, apo ish-sekretarë, drejtues e anëtarë kryesie që po i gënjen duke iu hedhur një lëmoshë.

Kush shkon dhe nuk pranon pozicionin që ai i ka dhënë, Basha e emëron si koordinator, gjoja emri i tij ngelet për një post drejtori të rëndësishëm apo ministri. E kështu e ka filluar me Enno Bozdon, Eduar Halimin dhe Xhemal Gjunkshin së fundi.

I vetmi emërim që nuk ka bërë për koordinator është ai i zotit Julian Deda, i cili duhet ta meritonte emërimin e koordinatorit ndoshta për humorin në PD, pasi tani që dalin këto lista njerëzit janë gati të gajasen me budallallëqet e Bashës dhe shpikjet që bën si justifikime për situatën politike.

Përshembull, mund të kishte edhe disa emërime të tjera koordinatorësh, por këto i presim në vijim, pasi Luli e ka shumë mirë. Duke qenë se ka emëruar koordinator për energjinë Enno Bozdon, mund të bëjë Gaz Bardhin koordinator për gratë, Bardh Kadillin koordinator të peshkut ose çunin e Fahriut koordinator të aleancës PD-LSI.

Mund të shpikët koordinatorë pafund dhe kështu justifikon paaftësinë e tij, listën e tij, dështimin e tij dhe asgjë më shumë sesa kaq./ CNA.al





Lajmet e fundit nga