web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet kandidati i LSI-së në Elbasan/ Në vitin 2015 përplasi për vdekje një qytetar

8 Mars 2021, 14:43, Aktualitet CNA

Kandidati për deputet i LSI-së për qytetin e Elbasanit Sokol Skura është arrestuar pak para publikimit të listës së kandidatëve.

Arrestimi i tij ka ndodhur gjatë natës së të dielës, ndërkohë që akuza ndaj tij është drejtimi i mjetit në gjendje të dehur në aksin rrugor Elbasan Librazhd.

I pesti në listën prej 15 emrash të LSI për Elbasanin, është arrestuar edhe në vitin 2015 pasi përplasi për vdekje një kalimtar në gjendje të dehur. Kodi penal parashikon dënimin nga 10 ditë deri në 3 vjet burg në rast drejtimi të mjetit në gjendje të dehur.

Dënimin për kandidatin e LSI për Elbasanin do ta vendosë gjykata, por sipas sipas pritshmërive Sokol Skura nuk do të ketë mundësi të vazhdojë fushatën e tij për zgjedhjet e 25 prillit.

Përpos këtyre, Sokol Skura i larguar nga Partia Socialiste që në 2015, është përfhsirë dhe ne skandalin e grabitjes së rreth 500 milionë lekëve nga Fondi i Rimbursimit të Barnave./CNA.al

 





Lajmet e fundit nga