web counter
LEXO PA REKLAMA!

SHKARKO APP

App Store
Google Play

Meta uron 8 Marsin/ “E ardhmja u përket guximtarëve”

8 Mars 2021, 12:46, Aktualitet CNA

Në rastin 8 Marsit ditës ndërkombëtare të gruas, Presidenti i Republiës Ilir Meta ka bërë urimin special në rrjetet sociale duke zgjedhur tre gra guximtare të cilat sipas tij, janë simbole të kurajës dhe energjisë së pashtershme të cilat kanë hyrë në historinë e avacionit shqiptar.

?Me rastin e Ditës Ndërkombëtare të Gruas, pata sot kënaqësinë e veçantë të takoja tre gra guximtare, simbole të kurajos dhe energjisë së pashtershme, Flora Toto, Drane Cara dhe Vezire Meta, të cilat së bashku me shoqen e tyre Polikseni Vjeshta, kanë hyrë në historinë e aviacionit shqiptar, si të parat femra, të cilat 53 vite më parë thyen një tabu për kohën, duke u hedhur me parashutë. Pedagoge dhe mësuese të përkushtuara të edukimit fizik për dekada ato kanë dhënë një kontribut të vyer për kalitjen sportive të brezave të rinj, duke e ruajtur edhe sot energjinë dhe entuziazmin e atyre viteve. Ndaj së bashku me Florën, Dranen dhe Veziren dua të ndaj sot një urim të përzemërt për çdo nënë, grua, vajzë dhe motër shqiptare: GËZUAR 8 MARSIN!?– u shpreh Meta.

Ndër të tjera ai theksoi se vetëm me mbështetjen dhe promovimin e vajzave dhe grave, krijimin e çdo hapësirë për të qenë të lumtura e të realizuara në jetë, duke ju garantuar mundësi për të konkurruar denjësisht në jetën profesionale e publike dhe pa lejuar keqpërdorimin e tyre nga politika, Atdheu ynë i përbashkët do jetë edhe më i bukur, më i dashur dhe më frymëzues.

?E ardhmja u përket Guximtareve!?– ka mbyllur urimin e tij presidenti Meta./CNA.al





Lajmet e fundit nga