web counter
LEXO PA REKLAMA!

SHKARKO APP

App Store
Google Play

E fundit!

x

Flamrtari nuk humbet kohë, gjen menjëherë trajnerin e ri

5 Mars 2021, 07:56, Sport CNA

Dorëhiqet Dritan Resuli. Trajneri i Flamurtarit dha dorëheqjen një ditë më parë në mënyrë të befasishme. Humbja me Egnatian duket se nuk është kapërdirë dot nga tekniku vlonjat, i cili ka marrë edhe vendimin e prerë. Resuli i ka paraqitur dje dorëheqjen e parevokueshme administratorit Sinan Idrizi.

 Shkak për dorëheqjen e trajnerit vlonjat nga pankina e Flamurtarit duket se është bërë situata e krijuar prej rezultateve negative të ekipit në këto javë. Mosfederimi i lojtarëve të ardhur në janar dhe ndoshta mungesa e një perspektive për rregullimin e situatës duket se kanë ndikuar që Resuli të mos bënte prapaktheu në vendimin e tij. Për ?Panorama Sport?, Resuli tregohet i kujdesshëm, duke mos deklaruar shkaqet që e çuan të ndërmerrte këtë vendim. Shkurtimisht ai thotë se ishte një zgjedhje personale e tij.

?Nga ky moment nuk jam më trajner i Flamurtarit. Kam paraqitur te drejtuesit e klubit dorëheqjen time. Ishte një vendim personal. Nuk kam çfarë të them më tepër. Ndoshta mund të flasim në një moment tjetër. Flamurtari për mua mbetet shumë i shtrenjtë, pasi jam i lidhur shpirtërisht me të dhe kam dhënë kontributin tim në këtë klub. I uroj suksese në vazhdimësi?, u shpreh Resuli.

TRAJNERI I RI

Ende nuk ka një kandidat zyrtar për të marrë drejtimin e Flamurtarit, sidomos në këtë moment të vështirë që po kalon ekipi. Deri në emërimin e trajnerit të ri, në krye të pankinës do të qëndrojë i komanduar përgatitësi atletik, portugezi Rui Sampaio. ?Për momentin ekipi do të drejtohet nga përgatitësi atletik, Sampaio. Më pas do të shikojmë për afrimin e ndonjë grupi trajnerësh?, përfundon Idrizi.





Lajmet e fundit nga