web counter
LEXO PA REKLAMA!

SHKARKO APP

App Store
Google Play

Panik te Interi, Suning braktis zyrtarisht investimin dhe shkrin ekipin

28 Shkurt 2021, 09:18, Sport CNA

Interi po shkëlqen në kampionatin Italian ku mban vendin e pare, por ndërkohë në klubin zikaltër jetojnë mes pasigurish të shumta për të ardhmen pasi sponsorët kinezë do të heqin dorë përfundimisht nga drejtimi i klubit zikaltër dhe aktiviteteve sportive, duke u fokusuar vetëm te bizneset fitimprurëse. Hapi i parë ka qenë zyrtarizimi sot i largimit nga investimi te futbolli në Kinë.

Pak ditë më parë, Zhang Jindong, i cili është numri 1 i Suning, kishte deklaruar se nuk do të bëheshin më shpenzime për aktivitete të pavlera. Sporti është një prej tyre dhe Suning është tërhequr nga financimi i skuadrës së Jiangsu në Kinë, të cilën ishte munduar ta kthente në superfuqi në këtë vend,.

?Si pasojë e mbivendosjes së elementëve të ndryshëm që nuk mund të kontrollohen, Jiangsu Football Club nuk mund të garantojë më vazhdimin e aktivitetit dhe që tani e tutje, do të ndalet. Aktiviteti i çdo skuadre do të përfundojë dhe në të njëjtën kohë, presim që të vijojnë në shkallë të gjerë çështjet që kanë lidhje me zhvillimin e mëtejshëm?, njoftonte klubi, duke deklaruar kësisoj shkrirjen e tij.

Një situatë e pazakontë që bën edhe më të çuditshme atë që po ndodh me Interin, ku askush nuk paguhet prej muajsh e me drejtuesit të cilët kanë braktisur Italinë ndërsa mundohen të gjejnë blerës sa më parë që të jetë e mundur.





Lajmet e fundit nga