web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen katër kandidatët e PS për Shkodrën/ Ish-drejtori i Berishës në krye të listës

19 Shkurt 2021, 20:24, Politikë CNA

CNA.al ka zbuluar sot 4 emrat kryesues   të listës të kandidatëve të Partisë Socialiste për qarkun e Shkodrës në zgjedhjet parlamentare të 25 prillit.

Mësohet se katër emrat që sipas statistikave elektorale prutet të jenë edhe fitues janë Ilir Beqaj, Benet Beci, Majlinda Angoni dhe Paulin Sterkaj.

Këto janë minimumi i deputetëve që mund të marrë PS në Shkodër, ndërsa emri i pestë është ai i Tom Doshit nga PSD, i cili mund të fitojë mandatin e 5-të, nga 11 që ka qarku Shkodër ose të katërtin e socialistëve.

Majlinda Angoni e treta e listës është prefekte e Shkodrës, ndërsa Benet Beci që pritet të kryesojë listën e socialistëve në Shkodër, është drejtori aktual i KESH-it dhe ish-drejtori i Fondit Shqiptar të Zhvillimit (FSHZH) në kohën e qeverisë Berisha.

Burime për CNA.al bëjnë me dije se Beci pritet të kryesojë listën. Në zonën kryesuese të socialistëve pretendojnë të fitojnë Ilir Beqaj dhe Paulin Sterkaj deputet prej 4 mandatesh i PS, i cili mbulon Malësinë e Madhe.

Ndërkohë, kujtojmë se Shkodra ka 11 mandate për deputetë, nga të cilat PD pretendon të marrë 7 mandate dhe socialistët nuk shkojnë më pak se 4, sipas statistikave.

Mandati i pestë e bën diferencën dhe ai është Tom Doshi i PSD./ CNA.al





Lajmet e fundit nga