web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i gjyqtares/ Metani: Drejtësia e re do të ndëshkojë çdo veprim të paligjshëm

13 Shkurt 2021, 12:16, Aktualitet CNA

Inspektori i Lartë, Artur Metani ka komentuar operacionin e fundit të Prokurorisë Antikorrupsion në Gjykatën e Krujës, ku u arrestua Enkeleida Hoxha dhe 9 persona të tjerë,

Sipas Metanit, drejtësia e re po punon me konsekuencë për të zbatuar detyrimet ligjore.

?Përshendes aksionin e djeshëm të SAPK. Ky rast dhe raste të tjera tregojnë se drejtësia ka dy anë: Drejtësia e vjetër që i nënshtrohet ligjit dhe drejtësia e re që punon me konsekuencën për zbatimet e veta ligjore. Kjo është një luftë që kërkon kohë. Rëndësi ka që të kuptojnë të tërë tashmë që drejtësia arrihet kur jemi të gjithë bashkë. Është koha e përshtatshme që ta shndërrojmë drejtësinë shqiptare në atë që meriton secili prej nesh?, u shpreh Metani në një intervistë për Vizion Plus.

Metani tha se kërkesa për shkarkimin e gjyqtares në Këshillin e Lartë Gjyqesor është dërguar nga Inspektori i Lartë i Drejtësisë që në fillim të dhjetorit.

?Është një proces që është dërguar nga ILD që në fillim të dhjetorit, i është drejtuar këshillit me kërkesën për shkarkimin e magjistrates. Janë bërë dy senaca tashmë. Këshillit i kam kërkuar që duhet të merren masa që seancat mos të lihen në afate kohore të gjata?, u shpreh ai

I pyetur se çfarë mesazhi përcjellë ky reagim i institucioneve të reja të drejtësisë, Metani theksoi: ?Mesazhi është që: për sa kohë do respektohet parimi i shenjtë i ndarjes së pushteteve dhe bindjes së brendshme të gjyqtarit dhe prokurorit në vendimmarrjet e veta, aq i rëndësishëm është edhe mesazhi që çdo veprim i paligjshëm është në monitorim nga institucionet e reja të drejtësisë dhe nuk do të shkojë pa u ndëshkuar.?/CNA.al





Lajmet e fundit nga