E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Do jap kontributin modest për ndryshimin politik”/ Demiraj rikthehet në Shqipëri për zgjedhjet e 25 prillit

12 Shkurt 2021, 15:05, Aktualitet CNA

Ish ministri i Brendshëm Dritan Demiraj është rikthyer në Shqipëri për të ushtruar të drejtën e tij demokratike të votës.

Përmes një postimi në rrjetin social, Demiraj shkruan se ndryshimi i madh do të vijë vetëm përmes votës së lirë dhetë ndershme, duke theksuar se ndërgjegjësimi i qytetarëve do të arrijë të rrëzojë këtë qeveri që sipas tij në tetë vjet vetëm është tallur.

Ish ministri i Brendshëm thekson më tej se në 25 prill do të jetë fundi i qeverisë së Edi Ramës i cili duhet të japë llogari për çdo qindarkë gjatë këtyre viteve në pushtet.

?Të nderuar miq!

Sapo arrita në Shqipëri.

Si mijëra Shqiptarë përfaqësues të diasporës edhe unë përfundimisht u ktheva në Shqipëri që ti bashkohem kontributit modest për ndryshimin e madh politik, rrotacionin historik me votë të lirë të pushtetit në Shqipëri.

Ndryshimin do ta realizojmë së bashku me vendosmëri për zgjedhje të lira dhe të ndershme, duke punuar çdo ditë, me të gjitha fuqitë tona, me miqtë, shokët, rininë dhe bashkëpunëtorët për të ndërgjegjësuar shqiptarët se vota e lirë dhe fuqia e sovranit do ta pushojë përfundimisht nga puna Edi Ramën dhe enturazhin e tij politik.

Shqiptarëve përpara se t?ju kërkojë mandatin e tretë, Edi Rama dhe shpura e tij duhet të japë llogari për çdo qindarkë dhe sekondë të 8 viteve të tij në pushtet.

Sovrani kësaj rradhe nuk do t?i japë mundësinë atij për t?u tallur më tej me trafikantët, kriminelët, timonin dhe tepsitë e tij elektorale.

Këtë mashtrues serial, sovrani do ta rrëzojë nga pushteti me përbuzje dhe me votë referendare në datën 25 Prill 2021.

Përpara për fitoren e mirëpritur.

No place like home.

Stay safe.

Keep face mask on & respect social distancing?, shkruan Demiraj./CNA.al