web counter
LEXO PA REKLAMA!

SHKARKO APP

App Store
Google Play

E fundit!

x

A ka ndikim Tom Doshi në drejtoritë e Tiranës dhe Shkodrës?/ Balla shmang përgjigjen

12 Shkurt 2021, 10:59, Politikë CNA

Kreu i grupit parlamentar të Partisë Socialiste Taulant Balla në një dalje për mediat është pyetur mbi thirrjet e ambasadores për pastrimin e listave dhe ndikimin e Tom Doshit në drejtori të rëndësishme në Tiranë dhe Shkodër.

Balla i është shmangur pyetjes së gazetarëve, duke thënë se në 2015 në selinë rozë ka hyrë edhe Ilir Meta, ndërsa shtoi se PS do të shkoj e vetme në zgjedhjet e 25 prillit dhe nuk do të ketë asnjë aleancë me asnjë parti.

?Ju këtë pyetje ma keni bërë edhe në vitin 2015, kur ish-deputeti Tom Doshi me vendim të grupit është përjashtuar nga PS-ja, dhe dua tiu them pyesni kryetarin e partisë së zotërisë për këtë. PS jo vetëm që ka bërë procese të shkëlqyera të verifikimit të figurave, duke hapur partinë edhe ndaj djemve dhe vajzave të reja, që kontributin e tyre ta japin përmes përfshirjes në listat e kandidatëve për deputetë. Për çështje që lidhen me persona të partive të tjera, pyesni ata persona?, tha Balla.

Ai u pyet sërish se Tom Doshi ka hyrë disa herë në mbledhjen e shtabit të PS-së në 2019, dhe për këtë u kërkua informacion a ka ky njeri pushtet akoma në disa drejtori në Tiranë dhe në Shkodër, ku Balla nuk dha përgjigje.

?Në selinë e PS ka hyrë në 2015-tën dhe Ilir Meta, e vetmja aleancë që ne kemi në këto zgjedhje është ajo me qytetarët, e realizuar përmes bashkëqeverisjes?, tha Balla./CNA.al





Lajmet e fundit nga