web counter
LEXO PA REKLAMA!

SHKARKO APP

App Store
Google Play

E fundit!

x

Sondazhi-Shqiptarët lënë në hije Bashën/ Shumica vlerëson Ramën si lider

12 Shkurt 2021, 07:24, Politikë CNA

Kryeministri Edi Rama është lideri me popullaritetin më të lartë, pasuar nga kreu i PD, Lulzim Basha dhe më pas kryetarja e LSI, Monika Kryemadhi.

Sipas sondazhit të Euronews 49,1% e shqiptarëve vlerësojnë kryeministrin Edi Rama si lider, 35,4% vlerësojnë kreun e PD, Lulzim Basha dhe 20,7% kryetaren e LSI, Monika Kryemadhi. Sondazhi anketoi 1600 persona me të drejtë vote në 12 zona elektorale urbane dhe rurale në të gjithë Shqipërinë gjatë periudhës 22 dhjetor-31 janar.

Për performancën e qeverisë rezultoi se: 52.4 % kanë perceptim negativ (28 % disi negative; 24.4 % shumë negative); 47.2 % kanë perceptim pozitiv (14.1 % shumë pozitive; 33.1 % disi pozitive); 0.3 % janë shprehur se ?nuk e dinë?.

Për performancën e Partisë Demokratike rezultoi që: 36 % kanë perceptim pozitiv (9.7 % shumë pozitive, 26.3 % disi pozitive); 63.6 % kanë perceptim negativ (30.3 % disi negative, 33.3 % shumë negative); 0.5 % janë shprehur se ?nuk e dinë?;

Për performancën e Lëvizjes Socialiste për Integrim rezultoi që: 21.4 % kanë perceptim pozitiv (5.4 % shumë pozitiv, 16 % disi pozitiv); 77.9 % kanë perceptim negativ (32.3 % disi negativ, 45.6 % shumë negativ); 0.7 % janë shprehur se ?nuk e dinë?./CNA.al





Lajmet e fundit nga