web counter
LEXO PA REKLAMA!

SHKARKO APP

App Store
Google Play

Bilanci nga Covid/ Sallabanda: Duhen izoluar qytetet me më shumë të infektuar

9 Shkurt 2021, 22:10, Lifestyle CNA

Mjeku Kita Sallabanda, në një lidhje nga Spanja, ka folur për gjendjen shëndetësore dhe masat e marra për shkak të Covid-19 në shtetin ku ai jeton.

Sallabanda tha se Spanja ka bërë izolim selektiv të qyteteve me më shumë të infektuar, ndërsa të njëjtën skemë kërkoi që ta realizojnë edhe në Shqipëri.

“Ne kemi bërë  izolimi selektiv në Spanjë dhe nuk mund të udhëtojmë midis qyteteve që kanë më shumë të sëmurë dhe atyre që kanë më pak. Ne nuk lejojmë komunikimin mes zonave. Edhe në Shqipëri prandaj ka kaq shumë përhapje pasi nuk është bërë izolimi selektiv i qyteteve të ndryshme. Ne nuk lemë me shumë 4 persona bashkë dhe ka filluar edhe vaksinimi masiv i popullatës që do na ndihmojnë të dalim nga kjo gjendje. Përballimi i COVID është ndërgjegjësim i gjithë shoqërisë, jo vetëm puna e sistemit shëndetësor?, u shpreh ai për Report Tv.

Mjeku paralajmëroi se në Spanjë gjatë muajit mars do të ketë rritje të të infektuarve për shkak të futjes së mutacionit britanik.

“Në mesin e marsit do kemi shtim të rasteve për shkak të futjes së mutacionit anglez të rastit COVID, megjithatë po bëjmë vaksinimin e njerëzve. Deri tani 3.7 % e popullsisë  kemi pasur mangësi të vaksinimit nga Pfizer dhe AstraZeneca dhe Moderna. Nga java tjetër janë bërë plane për vaksinime masive deri në 300 mijë në ditë“, theksoi Sallabanda./ CNA.al





Lajmet e fundit nga