web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet në Shkodër dhe Lezhë/ Haki Çako: Fermerët do dëmshpërblehen sipas ligjit

3 Shkurt 2021, 09:52, Aktualitet CNA

Drejtor i Emergjencave Civile, Haki Çako u shpreh në Euronews Albania se ende në qarqet Shkodër dhe Lezhë ka zona të përmbytura, por theksoi se niveli i ujit është në rënie.

?Tashmë fillon faza e rehabilitimit dhe përmirësimit të të gjithë sipërfaqeve të mbuluara me ujë. Ka filluar rënia e nivelit të ujërave, edhe në ambiente ku ka banesa, kryesisht në zonën e NënShkodrës?, u shpreh zoti Çako.

Sa i përket furnizimit me ushqim për bagëtitë ai nënvizoi se ?nuk është vërtetë që ka pasur mungesë të bazës ushqimore në të gjithë zonën, kryesisht në atë të Shkodrës?.

Për çështjen e dëmshpërblimeve, kreu i Emergjencave Civile tha se prezenca e ujit e ka bërë të vështirë vlerësimin e dëmeve në terren.

Por, zoti Çako deklaroi se kompesinimi i fermerëve apo banorëve do të bëhet sipas ligjit.

?Ju siguroj që vlerësimi është maskimal, do të merren në konsideratë të gjitha kapacitetet dhe hapësirat që parashikon ligji dhe të gjitha hapësirat që ka adresuar qeveria shqiptare në buxhetet e njësive të pushtet vendor, por edhe kapacitete të tjera?, përfundoi zoti Çako.

Shkodra dhe Lezha janë dy prej qarqeve, të cilat po vijojnë të vuajnë pasojat e reshjeve të ditëve të fundit.

Uji në njësinë administrative Dajç është shtrirë në 1500 hektarë tokë bujqësore, ndërsa në Torovicë të Lezhës janë të përmbytura 270 hektarë sipërfaqe.

Prezencë uji ka edhe në disa akse rrugore që lidhin fshatrat e nënshkodrës, ndërsa 120 banesa vijojnë të jenë të rrethuara nga uji./CNA.al





Lajmet e fundit nga