E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

PDIU drejt një koalicioni më vete/ Negociatat Basha-Idrizi, të vështira

3 Shkurt 2021, 14:36, Politikë CNA

Negociatat e Lulzim Bashës me PDIU e Shpëtim Idrizit duket se janë mjaft problematike, ndërkohë që aleatët e tjerë i kanë mbyllur këto marrëveshje. Një nga faktorët kryesor është PDIU e Shpëtim Idrizit, e cila është një parti me një trend të fortë elektoral, pasi në zgjedhjet e fundit ka mundur të shkojë gati deri në 17 mijë vota, por këto vota PDIU i ka të shpërndara në disa qarqe, që quhen edhe bastione siç është Fieri, Vlora, Elbasani apo Tirana, pa folur edhe për Dibrën ku mundi të siguronte një mandat.

Burime zyrtare nga selia e PD i thanë CNA.al se negociata me PDIU janë të vështira për faktin se kjo parti tashmë nuk kërkon mandate në vende të sigurta, ku ajo ka mandatet e saj.

Pra PDIU ka rreth 12 200 vota në Tiranë apo rreth 7 mijë vota në Fier apo edhe rreth 30 mijë vota në Elbasan e kështu me rradhë, që në fakt nuk janë vota të paprovuara apo të papërsëritura por të marra sistematikisht, që tregojnë një trup të qartë elektorale.

PDIU pretendon që të mos jetë në vende të sigurta por të jetë në kufirin e mandateve që ka marrë PD, pra të jetë i 11 apo 12 në Tiranë, një vend të katërt apo të pestin në Fier dhe Elbasan e kështu me rradhë. E thënë ndryshe, Idrizi nuk pranon të jetë atje ku PDIU i fiton vetë mandatet, nuk ia fal PD.

Negociatat kanë vazhduar fort, mesa duket afati i fundit i përfundimit të tyre është fundi i kësaj jave ose fillimi i javës së ardhshme, e cila do të qartësojë se cili do të jetë qëndrimi që do të mbahet. Pra PD do i jap PDIU të çamëve atë që kërkon apo do të ketë një ndarje të tyre, sepse duket qartë që Shpëtim Idrizi dhe PDIU nuk hyjnë në lojë pa dy apo tre mandate, të cilat ata i fitojnë vetë dhe nuk iu dhurohet.

Një burim zyrtar nga PDIU i tha CNA.al se negociatat vazhdojnë, nuk janë mbyllur, por duket se me Lulzim Bashën të jenë mjaft të vështira dhe nuk ka asnjë diskutim që të premtohet maksimumi deri në fund të diskutimeve. Nëse nuk gjendet një gjuhë e përbashkët që do të ndihmojë të dyja palët, pra PD dhe PDIU, kjo e fundit mund të dalë në koalicion më vete dhe një alternativë e mundshme është bashkimi me Vetëvendosjen, çka duket që të jetë krejt natyrale bashkëpunimi i PDIU me një frymë nacionaliste.

Mesa duket kemi ende negociata dhe do të jetë siç e përmendëm më lart, java e ardhshme që do të vendosë përfundimisht nëse PDIU do të jetë në koalicion me PD apo do të shkohet drejt një koalicioni me Vetëvendosjen, çka do të shtonte më tej problematikat për opozitën, sepse do të kishin një forcë tjetër opozitare mjaft të fortë dhe me frymë nacionaliste./CNA.al