web counter
LEXO PA REKLAMA!

SHKARKO APP

App Store
Google Play

E fundit!

x

Basha bën bilancin e fitoreve/ Ramën jo vetëm e kam sfiduar por dhe e kam mundur

3 Shkurt 2021, 14:57, Politikë CNA

Kreu i Partisë Demokratike, Lulzim Basha në një intervistë për ABC news, është shprehur i bindur për fitoren e tij me 25 prill.

Basha tha se nuk ka frikë nga Rama, pasi Ramën, jo vetëm e ka sfiduar por dhe e ka mundur më parë dhe këtë e mbajnë mend të gjithë banorët e Tirsanës.

Duke ju referuar deklaratave të Ramës se projekti i tij politik do të zgjas deri në vitin 2030 dhe se demokratin mund ta sfidojë dhe në bazë të karakterit, Basha tha se kryeministri bilancin e vetëm ka sharjet.

?Papunësia është rritur, kostoja e jetës është bërë e papërballueshme, numri i të rinjve që largohen nga vendi e kanë kthyer emigracionin përsëri në një katastrofë, në një plagë kombëtare.

Ndërkohë që Edi Rama nuk ka absolutisht asnjë zgjidhje për këto probleme. E kundërta, përpiqet të hedh fajin kudo! E keni parë? Ditët e fundit ka filluar të sulmojë edhe Bashkimin Europian dhe përfaqësuesit e vendeve partnere gjeostrategjike për Shqipërinë për dështimet e tij.

Dhe padiskutim një njeri që nuk ka asnjë bilanc para shqiptarëve, fushatë të vetme do të ketë sharjet, fyerjet, sulmet ndaj kryetarit të opozitës dhe kryeministrit të ardhshëm, ndaj opozitës në tërësi koalicionit tonë që do të fitojë më 25 Prill dhe më e rëndësishmja të ndalojë të paevitueshmen; që më 25 Prill të fitojë Shqipëria dhe jo më Edi Rama.

Më 25 Prill Edi Rama humb, Shqipëria fiton! Arsyeja e dytë pse Shqipëria fiton më 25 Prill është sepse ne nuk vijmë me premtime para shqiptarëve por po vijmë me një program realist, të zbatueshëm, me objektiva të qarta dhe konkrete për të korrigjuar dështimet e 8 viteve dhe për të stabilizuar situatën dhe për ta nxjerrë Shqipërinë nga kjo krizë.

Shikoni këtu nuk ka asgjë personale sepse në rrafshin personal unë jo vetëm e kam sfiduar por dhe e kam mundur Edi Ramën dhe këtë e mbajnë mend të gjithë banorët e Tiranës dhe të gjithë shqiptarët.“/CNA.al





Lajmet e fundit nga