web counter
LEXO PA REKLAMA!

SHKARKO APP

App Store
Google Play

E fundit!

x

Video/ Alizoti: Dilni se me mua do shtoni paret

2 Shkurt 2021, 12:57, Politikë CNA

Drejtuesi i qarkut të Beratit Tomorr Alizoti ka zhvilluar një takim me të rinjtë, ku ai flet për angazhim të të rinjve dhe mbushje të kutive në zgjedhjet e 25 prillit, sepse sipas tij, çdokush do të vlerësohet nga sa vota do marrë në zgjedhje.

Mes të tjerash, Alizoti iu bën thirrje të rinjve që të dalin ata në vijën e parë për të fituar më shumë të ardhura në xhepin e tyre, pasi sipas tij nëse nuk lëvizin do të ngelen pa lek.

?Parësore është dilni kapni këdo që njihni, mos humbni kohë nëpër kafene duke bërë analiza a është Alizoti burrë i mirë apo është burrë i keq. Se në fund ju do ngelni pa një pare në xhep.

Dilni, sepse unë jam një njeri si ju, rrogëtar jam dhe unë, mirë do ishte të isha milioner por nuk jam. Dhe e di në ç?fazë jeni ju.

Unë ju jap vetëm besën që po fituam, hapësirat tona janë maksimale. Është bërë analiza, ose motoja ime, parrulla ime ka qene: kutitë që do jenë plot, do kenë përparësi në Partinë Demokratike. Kush mbush kutitë?madje po bëjmë pak histori, që në kohën e Jul Cezarit kur ishte perandor, i priste njerëzit tek dera në bazë të votave. Kush kishte më shumë, ishte në rresht të parë. Dilni ju në rresht të parë, që nesër të shkojmë te kryetari i PD që të kërkojmë hapësira për demokratët dhe për shqiptarët?, tha Alizoti.

Por pyetja që lind kur dëgjon fjalën e Alizotit është se si do të shtohen paratë në xhepat e qytetarëve nëse ai fiton në qarkun ku është emëruar?

Si kanë jetuar deri tani qytetarët e Beratit dhe zonave përreth që nuk ka qenë Alizoti përfaqësuesi i tyre?

Apo mjafton të mbështesin Tomorrin për të marrë një karrige në Parlament dhe nëse mbushen xhepat e tij zëre se mbushen edhe të qytetarëve.

Premtimet para fushatave elektorale janë bërë shumë të shpeshta dhe njerëzit janë mësuar me to, por që do të të mbushen xhepat nëse del në mbështetje të një figure politike nuk ishte dëgjuar, e mbi të gjitha as mënyrën se si kjo gjë do të realizohet./CNA.al





Lajmet e fundit nga