web counter
LEXO PA REKLAMA!

SHKARKO APP

App Store
Google Play

Rama tregon historinë me Nanon dhe ironizon Bashën/ Kemi qenë në një ngushëllim…

2 Shkurt 2021, 11:57, Politikë CNA

Kryeministri Edi Rama ka ironizuar kryedemokratin Lulzim Basha teksa ka treguar një histori me ish-kryeministrin Fatos Nano.

Kryeministri është ndalur tek kalimi i aeroportit të Rinasit në emër të Kastratit, ndërsa u shpreh se është i lumtur për këtë fakt se do i merret kinezëve dhe do i kalojë shqiptarëve.

?Kemi qenë një një ngushëllim me Fatos Nanon. Ishte një person atje që po i thoshte Fatosit se nuk keni gjë në vijë kështu se nuk kanë pse marrin gjithë katunarët toka. Merrjani dhe kthejani pronarëve të mëdhenj. Fatosi tha që si projekt duket ambicioz po këtë mund ta bëjë vetëm dikush që nuk e ka në dorë. Kështu është edhe Basha nuk ka asgjë në dorë. E para unë jam i lumtur që aeroporti kaloi nga duart e kinezëve në duart e shqiptarëve. Ai do të ketë çmime normale edhe për shqiptarët sepse ishte aeroporti më i shtrenjtë në Europë. Njerëzit me të drejtë ankoheshin se çmimet ishin më të larta se kudo por kjo ishte në dorë të kinezit. Jam shumë i lumtur që më në fund do të kthehet në kantier investimesh të reja që nuk janë bërë nga kinezët, terminali i ri, pista e re që do të funksionojë edhe për fluturime transoqeanike. Ne nuk kemi hequr dorë nga çuarja e Fan Nolit në Amerikë. Është aeroporti me çmimin më katastrofik në Europë. Parashikueshmëria, edhe ju edhe ata që e kundërshtojnë këtë gjë do kenë udhëtime 25% më të lira. Nuk janë pak?, u shpreh Rama./CNA.al





Lajmet e fundit nga