web counter
LEXO PA REKLAMA!

SHKARKO APP

App Store
Google Play

Ekskluzive/ Zbulohet ku kanë ngecur negociatat e Bashës me Mediun, Idrizin dhe Dulen

1 Shkurt 2021, 16:17, Politikë CNA

Lulzim Basha ka mbyllur pjesërish marrvëshjen me aleatët opozitarë, por kanë ngelur ende 3 parti të cilat kanë ende diskutime të forta.

Dule, PBDNJ

Vangjel Dule i PBDNJ-së kërkon një vend të sigurt në qarkun e Korçës dhe një emër të diskutueshëm në Vlorë. Pas përplasjeve me Fred Bejlerin e Himarës, Dule kërkon të largohet nga qyteti bregdetar për të shkuar në jug-lindje.

Basha në parim e ka pranuar marrveshjen por në Korçë problemi qëndron me premtimet e shumta që Luli ka bërë me disa personazhe lokal. Dule dhe PBDNJ duket se e kanë më të thjeshtë se dy aleatët e tjerë arritjen e konsensusit me Bashën për listat dhe garën në 25 prill.

Mediu, PR

Fatmir Mediu, ka përplasje që pretendohet parimore më kreun e PD. Mediu kërkon dy vende të sigurta në qarkun Tiranë dhe një vend të diskutueshëm në Fier.

PR disa ditë më parë prezantoi edhe kandidatët për Tiranën, e cila ishte një sfidë e hapur ndaj Lulzim Bashës dhe PD. Mediu kërkon vendin e dytë të sigurt brenda 13 emrave në qarkun Tiranës për nën/kryetarin e PR Blendi Sulaj.

Idrizi, PDIU

Shpëtim Idrizi kërkon të këtë dy vende të sigurta dhe dy të tjerë të diskutueshëm.

Ai kërkon të kandidojë vetë në Tiranë, në Fier në zonë të sigurt jo më poshtë se numri tre Mesila Doda dhe dy emra të tjerë një në Elbasan dhe një në Vlorë.

Burime zyrtare nga PD i thanë CNA.al se Basha ende po negocion në mënyrë intensive me aleatët, por jo të gjitha pretendimet e tyre mund të pranohet.

Të njëjtat burime theksuan se Basha do bëjë gjithçka që koalicioni opozitar të jetë një front në përballje me Edi Ramën në 25 prill./CNA.al





Lajmet e fundit nga