Ibraimi i prerë: Ndaj Skënderbeut luajmë vetëm për fitore

29 Janar 2021, 17:03, Sport CNA

Në vigjilje të sfidës ndaj Skënderbeut, e cila është programuar të zhvillohet nesër me fillim nga ora 13:45 në stadiumin ?Skënderbeu?, përpara mediave është shfaqur edhe lojtari i veri-lindorëve Agim Ibraimi i cili flet për këtë sfidë duke deklaruar se i vlerëson çdo kundërshtar maksimalisht:

Ndryshimi i trajnerit- ?Ne duhet të respektojmë zgjedhjen e presidentit. Jemi këtu aktorët kryesor në ekip. Duhet të përkrahim dhe përgëzojmë çdo zgjedhje. Duhet të jemi mbështetja e tij gjatë gjithë kohës. Kur janë rezultatet pozitive gjithçka shkon në rregull, shpresojmë që dhe në të ardhmen të jetë kështu dhe të vazhdojmë për sukses?.

Skënderbeu ? ?Ne nuk nënvlerësojmë asnjë, shkojmë me respekt maksimal për çdo skuadër. Dihet që Kukësi i ka synimet për të arrit objektivat që të arrijë sa më lart në tabelë, edhe ne nesër shkojmë për fitore. ?

Vështirësitë ? ?Futbollistëve të rinj iu duhej kohë për të gjetur veten në fushë. Vështirësi ka në çdo ekip, por kur ekipi është i përbashkët më pas vijnë dhe sukseset. Përmirësimet, jo vetëm personalisht, por edhe si ekip duhet të punojmë. Duhet të jemi kompakt dhe të arrijmë qëllimet?.

Prurjet nga Maqedonia e Veriut- ?Gjithmonë e kemi ndjekur ligën e Shqipërisë, me shumë entuziazëm dhe kënaqësi kemi pranuar ofertën dhe këtu jemi.

Kanë ndryshuar objektivat? ?Deri sa ka besim dhe motiv do e shtyjmë deri në fund. Unë besoj te objektivi kryesor. Deri sa ka matematikë, unë do të jem me besim të plotë?.

Krijoni shumë, por finalizoni pak- ?Mendoj se jemi pak në sulm vetëm dy apo tri lojtarë, ndoshta duhet mbështetja nga të gjithë. Jo vetëm në fazën e sulmit, por edhe në fazën e mbrojtjes, nuk duhet të mbrohemi me 4 veta. Besoj që kohët e fundit e kemi gjetur balancin në të 2 fazat dhe do të arrijmë suksesin?, u shpreh Ibraimi.