web counter
LEXO PA REKLAMA!

SHKARKO APP

App Store
Google Play

Jani Kaçi shpërthen ndaj tifozëve të Skënderbeut: Gjest i dënueshëm, nuk mund të hyjnë në fushë!

29 Janar 2021, 10:46, Sport CNA

I vetmi ndër ikonat e futbollit korçar që e dënoi gjestin e pahijshëm te tifozëve dje karshi skuadrës dhe klubit të Skënderbeut. Jani Kaçi është kundër praktikave të tilla që cënojnë imazhin e klubit dhe ulin autoritetin e lojtarëve! Pas futjes së tifozëve në fushë, nuk ka munguar edhe reagimi i legjendës së portës korçare. Ish-portieri i Kombëtares dhe Skënderbeut, aktualisht trajner i të rinjve të klubit korçar, ka mbajtur qëndrim kundër futjes së tifozëve në fushë. Sipas Kaçit, ekipi nuk u jep llogari tifozëve, pasi ka struktura të tjera. Madje, insiston që mësymja e tifozëve duhet dënuar, pasi ambientet e klubit janë institucion.

?Futja e tifozëve në fushë duhet dënuar, jo inkurajuar. Klubi dhe ambientet janë institucion. Tifozit nuk i jepet llogari, pasi ka struktura përgjegjëse që kanë lidhur marrëveshje brenda një kontrate. Në këto momente skuadra do mbështetje dhe kjo është detyra e tifozëve. Klubi në anën e vet ka përgjegjësi që të mos lejojë persona apo grupime të ndërhyjnë në procesin stërvitor, pasi sjellin shqetësime dhe shpërqendrim për trajnerin dhe lojtarët.

Tifozët duhet ta dinë që skuadra është duke ardhur në rritje, sepse gradualisht merr kohën dhe ritmin e kampionatit. Bëhuni të gjithë bashkë dhe mbështeteni këtë ekip pasi me siguri që Skënderbeu nuk do të jetë në vendet e fundit të renditjes në fund të sezonit?, theksoi Jani Kaçi për ?Panorama Sport?.





Lajmet e fundit nga