E PABESUESHME/ Ja kujt i mbyll llogarinë Twitter, pas Donald Trump

27 Janar 2021, 09:11, Satire CNA

Është thuajse e pabesueshme, e mahnitshme ajo që ka ndodhur. Twitter, pas Donald Trump zbuloi edhe faktorin e rëndësishëm politik në Shqipëri, njeriun i cili me punën e tij të palodhur, me daljet e tij mediatike, me aktivitetin e pandalshëm në rrjetet sociale ka çmontuar qeverinë e Edi Ramës dhe mesa duket lidhja e Ramës direkt me Twitterin ka ndikuar që kundërshtarit më të madh të qeverisë t?i ndodhë gjëma.

Genc Pollos i kanë mbyllur Twitterin! Twitter ia mbylli llogarinë pasi zbuloi se Pollo mbështeti Trump, çfarë humbje e madhe për demokracitë botërore!

Çfarë është ky fat i zi për demokratët që nuk e dinë ku nuk e dinë ku ndodhet Pollo ka nja shtatë a tetë vjet që kur ka dalë në opozitë. Fshihet vrimave të PD, ende nuk ka marrë zonë elektorale dhe tani publikisht qan për Twitter se publikoi një video , kundër kryeministrit Rama. Në fakt, çdo ditë të gjithë eksponetët e PD publikojnë me dhjetëra video, edhe njerëz shumë aktivë si rasti i Jorida Tabakut, si rasti i Gazmend Bardhit, si rasti i Belind Këlliçit, si i Edi Palokës, por askush nuk qahet për Twitter-in.

Maksimumi Facebook mund tju heqë ndonjë video për shkak të të drejtave të autorit apo mbrojtjeve që bën kopmania Akromax në Shqipëri. Genc Pollos i kanë mbyllur Twitter dhe ky është një hall i madh që demokartët duhet ta zgjidhin, duhet të dalin në protesta para godinës së qeverisë, përpara AKEP. Të shkojnë dhe të shëmbin çdo godinë e cila nuk i çon një shkresë Twitter për të treguar se kush është i madhi Genc Pollo dhe pse atij nuk duhet t?i mbyllet Teitter-i.

Ai me luftën e tij, me betejat e tij, me skandalet dhe tenderat e tij kur ka qenë ministër ka bërë atë që s e ka bërë askush, pa bërë asgjë ka qenë gjithë jetën në pushtet. Ky quhet Genc Pollo! Si mundet Twitter t?i mbyllë ciu ciu-t Genc Pollos, këtij zogu të vërtetë të fjalës së lirë dhe betejave të demokracisë./CNA.al