web counter
LEXO PA REKLAMA!

SHKARKO APP

App Store
Google Play

E fundit!

x

KAS "shpëton" deputetin e PS dhe kreun e Kadastrës Lushnjë

22 Janar 2021, 14:31, Aktualitet CNA

Asnjë ndëshkim për veprimet e deputetit socialist Bujar Cela, i cili shpërndau leje legalizimesh përpara fushatës elektorale në zonën e tij zgjedhore.

Dënimi simbolik prej 15 mijë lekësh të vjetër që vendosi Komisioneri Ilirjan Celibashi, nuk do të shërbejë as si mesazh që të tjerët në vijim të mos i përdorin burimet shtetërore për fushatë.

Kjo, pasi Komisioni për Ankimet dhe Sanksionet vendosi ta shfuqizojë gjobën.

Vendimi në KAS u mor me 3 vota pro dhe dy kundër. Ilir Rusmajli i bashkoi votat e tij me të dy anëtarëve të tjerë të sjellë nga PS, dhe pranoi kërkesën e drejtorit të Kadastrës së Lushnjes për pafajësi. Ndërsa dy anëtarët e tjerë të propozuar nga opozita, mbështetën kërkesën e LSI-së që Arben Qalliu të ndëshkohej më shumë se sa 15 mijë lekë të vjetër.

?Komisioni i Ankimimeve dhe Sanksioneve shqyrtoi Kërkesën Ankimore nr. 01 me objekt ?Ndryshimi i Vendimit të Komisionerit Shtetëror të Zgjedhjeve nr.7 datë 14.01.2021? me ankues, z. Arben Qalliu dhe Kërkesën Ankimore nr. 02 me objekt ?Ndryshimi i Vendimit të Komisionerit Shtetëror të Zgjedhjeve nr.7 datë 14.01.2021? me ankues, Partia Lëvizja Socialiste për Integrim.

Në përfundim të shqyrtimit Komisioni i Ankimimeve dhe Sanksioneve vendosi ndryshimin e vendimit nr. 7, datë 14.01.2021, të Komisionerit Shtetëror të Zgjedhjeve dhe pranimin e ankimit të z. Arben Qalliu lidhur me vendosjen e sanksionit administrativ, si edhe rrëzimin e ankimimit Lëvizjes Socialiste për Integrim lidhur me vendosjen e sanksionit administrative ndaj deputetit Bujar Çela.

Gjithashtu, KAS vendosi që Komisioneri Shtetëror i Zgjedhjeve të informojë Agjensinë Shtetërore të Kadastrës dhe t?i kërkojë që, në respektim të standardit të zgjedhjeve dhe neutralitetit të administratës publike, deputetët, deri në datën e zgjedhjeve të mos ftohen në veprimtaritë rutinë të administratës qendrore dhe vendore të tij, të cilat zhvillohen nëpërmjet kontaktit, komunikimit dhe bashkëpunimit me zgjedhësit?, thuhet në njoftimin e KQZ./CNA.al





Lajmet e fundit nga