web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Katër gola, 2 dëmtime dhe 1 karton i kuq! Juventusi triumfon ndaj Sasuolos

10 Janar 2021, 22:00, Sport CNA

Juventusi fitoi me rezultatin 3-1 sfidën e vështirë kundër Sasuolos në Torino. Kristiano Ronaldo mbylli në mënyrë perfekte mbrëmjen e sotme duke iu bashkuar Danilos dhe Ramsejt në tabelën e golashënuesve. Pjesa e parë u mbyll në barazim 0-0 teksa kampionët e Italisë humbën 45 minutat e para lojtarët Ueston MekKinin dhe Paulo Dibalën, kurse Sasuolo mbeti me 10 vetë pas daljes me karton të kuq të Obiangës. Ishin bardhezinjtë ata që zhbllokuan ndeshjen në minutën e 51-të me Danilon që shënoi nga jashtë zone.

Megjithatë, miqtë u kundërpërgjigjën në mënyrën e duhur 8 minuta më vonë, kur Defrel shmangu dy mbrojtës juventinë dhe mposhti Sheznin. Me minutat që kalonin, ekipi i Pirlos nuk u dorëzua dhe kaloi sërish në avantazh me Aron Ramsejn në minutën e 82-të. Kristiano Ronaldo mendoi ta mbyllte në mënyrë duke shkundur rrjetën për herë të 15-të këtë sezon në Serinë A.

Me fitoren e sotme, Juventusi ngjitet në vendin e katërt me 33 pikë, 7 më pak se Milani kryesues, 3 më pak se Interi i vendit të dytë dhe një më pak se Roma e vendit të tretë. Bardhezinjtë do të zhvillojnë dhe ndeshjen e prapambetur me Napolin.

FT| JUVENTUS-SASUOLO 3-1

Danilo 51?, Ramsej 82?, Ronaldo 90?+1 / Defrel 59?

GOLI I RONALDOS:

 

GOLI I RAMSEJ: 


GOLI I DEFREL:


GOLI I DANILOS:

PJESA E PARË: 

Pjesë e parë relativisht e vakët. Vlen të theksohet se u regjistruan 2 goditje në portë, të dyja për bardhezinjtë e Pirlos. Në fragmentin e parë të lojës, Juventusi u detyrua të kryente 2 zëvendësime, Mekeni dhe Dibala lanë fushën e lojës për shkak të dëmtimeve, ndërkohë në minutën e dytë shtesë të pjesës së parë, Sasuolo mbeti me 10 lojtarë pas daljes me karton të kuq të Obiang.

KARTONI I KUQ I OBIANG: 

 

 





Lajmet e fundit nga