web counter
LEXO PA REKLAMA!

SHKARKO APP

App Store
Google Play

Përmbytjet në vend/ Balluku: Shmangëm rëndimin e situatës në hidrocentrale

9 Janar 2021, 12:07, Politikë CNA

Ministrja e Infrastrukturës dhe Energjisë, Belinda Balluku ka reaguar lidhur me situatën e krijuar në vend si pasojë e reshjeve të dendura të shiut.

Sipas saj menaxhimi i Kaskadës së hidrocentraleve mbi lumin Drin kanë shmangur një përkeqësim të mëtejshëm të situatës së krijuar nga reshjet e dendura të shiut.

Përmes një postimi në rrjetet sociale, Balluku shkruan se në hidrocentralin e Vaut të Dejës dhe atë të Komanit është rritur prodhimi duke arritur në kapacitetet maksimale ndërkohë që hidrocentrali i Fierzës është mbajtur jashtë pune për të bërë të mundur grumbullimin e rezervave hidrike për periudhën në vijim.

?Situata e motit të përkeqësuar nuk na gjeti të papërgatitur. Në sajë të masave të marra në momentin e duhur dhe falë menaxhimit të integruar të punës me të gjithë aktorët në kaskadën e hidrocentraleve që ngrihen mbi lumin Drin, ja dolëm të shmangim një rëndim të mëtejshëm të situatës në zonën e Shkodrës dhe Lezhës. Në Hidrocentralin e Vaut të Dejës dhe atë të Komanit rritëm prodhimin, duke arritur në kapacitetet maksimale, ndërkohë kemi mbajtur jashtë pune Fierzën duke grumbulluar rezerva hidrike. Përmes një koordinimi korrekt dhe në zbatim të Rregullores së Plotave në kaskadën e Drinit evituam një rrezik potencial, por njëkohësisht duke e kthyer në një rast efecient të maksimizimit të performancës së KESH. Në çdo moment në monitorim dhe gatishmëri deri në normalizimin e situatës?, shkruan Balluku./CNA.al





Lajmet e fundit nga