web counter
LEXO PA REKLAMA!

SHKARKO APP

App Store
Google Play

E fundit!

x

Bashkimi i Nasip Naços me PS/ “Shpërthen” LSI: Nuk na pengojnë të shiturit dhe pleqtë pa ideal

9 Janar 2021, 10:51, Politikë CNA

Pak ditë pas bërjes publik të largimit të Nasip Naço nga radhët e LSI-së në Berat, kjo forcë politike nuk ka humbur kohë dhe ka prezantuar ekipin që pritet të garojë në zgjedhjet e 25 prillit.

Ka qenë Elona Guri ajo që ka postuar një foto me tre nga kandidatët e mundshëm të LSI-së në këtë qark, Ardit Çelën, drejtuesin politik të LSI për Qarkun e Beratit, doktor Blenard Nonaj dhe Silva Cakën.

Në mesazhin e Gurit nuk mungon as mesazhi për Naçon, ku edhe pse nuk ia përmendin emrin, ajo shprehet se rrugën për ndryshim nuk e pengon dot askush, as të shiturit dhe të blerit dhe sipas saj as pleqtë pa asnjë ideal.

Në Berat së bashku me Ardit Çelën, drejtuesin politik të LSI për Qarkun e Beratit, doktor Blenard Nonaj dhe Silva Cakën. Jam mes njê ekipi profesionistësh të rritur në LRI së bashku. Në LSI për të vijuar rrugën tonë për ndryshimin e Shqipërisë, për të bërë realitet aspiratën e çdo të riu, integrimin e Shqipërisë në BE.

Jemi bashkë për të bërë të mundur fitoren e madhe të 25 prillit. Fitoren e Rinisë mbi llumin politik të nënshtrimit, fitoren e idealit të një Shqipërie që është shtëpi për çdo shqiptar mbi pazaret e pista ku çdo njeri është kthyer në ?mall?, i cili e ka datën e skadencës në 25 prill.

Jam e lumtur të jem me Arditin dhe Blenardin dy ish studente të shkëlqyer, profesionistë të aftë dhe menaxherë që kanë dhënë kontributin e tyre duke ndryshuar rrënjësisht institucionet ku kanë drejtuar.

Rrugën tonë të ndryshimit dhe integrimit nuk mund ta pengojnë dot as ?të fortët?, as të shiturit dhe as të blerët, aq më shumë të lodhurit dhe ?pleqtë? politikë pa asnjë ideal?, shkruan ajo.

Kujtojmë që nga LSI është larguar edhe Lefter Koka, Robret Bitri e së fundmi edhe Nasip Naço. Këta emra kanë qenë një figurë kryesore në LSI./CNA.al





Lajmet e fundit nga