Shënim/ Rama-Basha po spostojnë LSI njësoj si në vitin 2017

8 Janar 2021, 11:40, Aktualitet CNA

Katër muaj para zgjedhjeve parlamentare të 25 prillit, kryeministri Edi Rama dhe kreu demokrat Lulzim Basha kanë riaktivizuar sërish planin e tyre të 17 majit 2017 për të spostuar Lëvizjen Socialiste për Integrim.

Partia e Ilir Metës, e cila tashmë drejtohet nga Monika Kryemadhi shquhet për ?tradhtitë? e saj, duke lëvizur sa nga PS tek PD në bazë të interesave të saj. Por Rama dhe Basha janë bërë bashkë për të lënë të braktisur LSI. Nga njëra anë, Rama është hedhur në aksion për t?i marrë figurat kryesore, ndërsa nga ana tjëtër Basha me aleatët nuk po pranojnë që të dalin në një listë të përbashkët.

Të shumta janë figurat që kanë lënë në baltë LSI duke u bashkuar me PS. Goditja më e madhe që mori partia e Metës ishte largimi i Nasip Naços, një emër dhe figurë kryesore e LSI në Berat. Një tjetër emër që u bashkua me Ramën është edhe Lefter Koka, i cili ka qenë një pikë shumë e fotë e Metës në Durrës.

LSI-në e ka braktisur edhe deputeti tjetër i saj, Robert Bitri, duke u bashkuar me Edi Ramën. Edmond Haxhinasto, njeriu i besuar dhe i aferave të Metës dhe Monikës, pothuajse e ka braktisur LSI-në.

Spartak Braho, një nga njerëzit më të besuar të Metës, sidomos kur Meta po rrezikonte burgun në vitin 2012, është bashkuar me Edi Ramën. Madje, Braho ka ndarë me Ramën edhe sekrete të tmerrshme të Ilir Metës dhe Monika Kryemadhit. Pra, Rama ka arritur t?i marrë Metës të gjitha pikat kyçe në qytetet kryesore të vendit.

Ditën që Nasip Naço braktisi partinë e Metës dhe Monikës, duke u bashkuar me Ramën, LSI ka marrë një goditje të fortë nga Lulzim Basha. Ky i fundit shpalli planin se me LSI-në nuk do të bëjë aleancë asnjë parti në zgjedhjet e 25 prillit 2021. Plani u komunikua nga kreu i LZHK-së, Dashamir Shehi, i cili tha se 5 parti kishin arritur një pakt me Lulzim Bashën, për të garuar në listën e PD, ndërsa LSI do të garonte e vetme.

Bëhet fjalë për partitë e Fatmir Mediut, Nard Ndokës, Vangjel Dules, Shpëtim Idrizit dhe vetë Dashamir Shehin. Të gjithë së bashku, në koordinim me Bashën, ka vendosur ta lënë vetëm LSI-në në zgjedhjet e 25 prillit.

?Ideja është që do të bëhen dy lista, pra LSI më vete dhe PD në një listë më vete. Një pjesë e jona jemi në marrëdhënie vetëm me PD dhe i takon kësaj partie që t?i mbledhë të gjithë bashkë. Ne si parti të djatha do të jemi bashkë?, u shpreh Dashamir Shehi për CNA.al.

Pra duket se LSI, si partia e tretë më e madhe po prek fundin./CNA.al